Rome 3:1 - Hawaii Pidgin Bible

¹ So den, how come mo betta fo be one Jew guy? You tink da Jew guy dat get da cut skin mark stay mo spesho den da guy dass not Jew?

Rome 3:1 Referans Kwoze

Start 25:32

Esau tell, “Eh, me, I litto mo mahke awready cuz I neva eat. No matta I get da right fo get his stuffs cuz I born befo you. Dat no mean notting—cuz I goin mahke!”

Teacha 6:11

Cuz if you argue plenny, No goin make sense. Wat good dat goin do?!

Teacha 6:8

One guy dat know wat fo do erytime Not mo betta den one stupid guy! If one guy dat no mo notting know how fo ack in front odda peopo, How dat goin help him?

Hebrews 13:9

Get all kine diffren kine stuff dat peopo teach, you know. No let dat kine stuff throw you guys off, an no trus jus any kine stuff! Wen we let God do good tings fo us, we come mo strong inside. But if we tink we gotta stick wit da rules bout spesho kine food, dat no goin make us come mo strong inside. Get peopo dat tink lidat. But dat no help dem, notting!

1 Corint 15:32

No matta I fight guys dat ack jalike wild animals Efesus side, dass okay! But if I ony do um ony fo me, an not fo God, dass wase time, you know. If da peopo dat mahke no goin come back alive, den mo betta us guys tink jalike da peopo talk, “Eh! Eat plenny! Suck um up! Cuz tomorra us all goin mahke die dead!”

Malakai 3:14

You guys tell, “Ony wase time, work fo God! Wat we goin get from dat?! Notting! Us guys do all da religious kine ceremonies fo God awready, an now, us stay make real sad face in front Da One In Charge, Da God Ova All Da Armies.

Songs 147:20

He neva do notting lidat Fo da odda peopos. Dey neva find out da tings Da One In Charge tell Cuz he da judge. Tell good tings bout Da One In Charge!

John 4:22

You guys from Samaria go down in front somebody an pray, but you guys donno who him. Us Jew guys, we go down in front God an pray, an we know wat kine God him. Cuz God show us Jew guys da ony way fo get outa da bad kine stuff we stay do.

Rome 3:2

Az right! Cuz dat help um plenny. Numba one, cuz God trus da Jew guys fo take kea eryting he like fo peopo know.

Rome 3:9

So wat, den? You tink us Jew guys mo betta den dem? No way! Cuz I awready show you guys dat da bad kine stuff get powa ova erybody, da Jew guys an da ones dass not Jew guys.