Rome 14:4 - Hawaii Pidgin Bible

⁴ Eh, wat make you tink you get da right fo tell dat da odda worka guy stay wrong? He no work fo you! Somebody else stay in charge a him. His boss da ony one dat can tell um fo real kine if he stay okay o if he stay jam up. But you know wat? Dat guy goin come pono, cuz Da One In Charge a him stay real strong fo make dat guy come pono, az why.

Rome 14:4 Referans Kwoze

Rome 9:20

Eh, how come you talk back lidat to God, braddah? Who you tink you? Jalike da Bible tell befo time: “If get one guy dat make someting, dat ting no can tell da guy, ‘Eh! How come you wen make me lidis?’ ”

Jude 1:24

God, da One dat keep you guys tight wit him an help you no do da bad kine stuff. He awesome, He bring you guys in front him, Da awesome One, He no poin finga you, An you goin stay real good inside.

Songs 37:24

No matta da guy trip, He no goin fall down, Cuz Da One In Charge Goin help him stan up.

Hebrews 7:25

Jesus, he no stay mahke, he stay alive foeva. All da time he stay dea fo tell God fo help fo da peopo dat come to God cuz a him. An dass how he get da powa fo hemo dem real good from all da bad tings dey stay in.

Rome 14:3

Eh! da guy dat eat any kine stuffs jalike meat o watevas, no good he ack jalike he mo betta den da guy dat no eat meat. Same ting, dat guy dat no eat meat, no good he tell da guy dat eat meat, “Eh, az wrong fo you do dat, you know.” Cuz God bring um inside his ohana awready!

Rome 16:25

God get da powa fo make you guys stan strong. Dass wat da Good Kine Stuff From God tell, an dass wat I teach odda peopo, wen I tell um bout Jesus Christ. God show all us guys all da stuff bout Christ dat da peopo from befo time neva know cuz was one secret.

Isaiah 40:29

He da One make da tired peopo come strong. He give da weak peopo mo an mo powa.

Songs 37:28

Cuz Da One In Charge, He like fo peopo do wass right, An he no foget da peopo Dat stay tight wit him. Dose peopo, God goin take kea dem Foeva! But da peopo dat do da bad kine stuff, Even dea kids goin get cut off From God foeva!

Songs 17:5

Ery place I go, I go jalike how you like me fo go. No way I goin trip an fall down.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

Jesus Guys 11:17

Az why, if God give dem da same powa he wen give us guys wen we trus Da One In Charge, Jesus, da Spesho Guy God Wen Sen, how I get da right fo tell God no do dat?!

Songs 37:17

Cuz Da One In Charge, He goin broke da bad guys arms, But he goin help da guys Dat do wass right.

Rome 11:23

Same ting wit da Jew guys, if dey change an start fo trus God, God goin graf dem in on top da main olive tree one mo time. God can graf um back in jalike befo time.