Rome 10:16 - Hawaii Pidgin Bible

¹⁶ But you know, get some Israel peopo dat neva like lissen da Good Kine Stuff From God. Jalike Isaiah tell inside da Bible: “Eh Boss! No mo nobody dat trus Da tings dat dey wen hear from us guys!”

Rome 10:16 Referans Kwoze

Isaiah 53:1

You tink get peopo dat trus Wat dey wen hear from us guys?! No way! You tink Da One In Charge wen show one a dem How strong him?! Not even!

Rome 3:3

But wat? You tink God no can do wat he tell he goin do, jus cuz had some Jew guys dat neva like trus him?

Hebrews 4:2

Now, we hear da Good Stuff From God jalike oua ancesta guys wen hear um. Dey wen hear da Good Stuff too, but dey neva like trus um. Az why da Good Stuff dey hear neva help dem.

2 Tessalonika 1:8

Goin get one big fire dat time. God goin punish da peopo dat donno him, an no like lissen da Good Stuff Bout Da One In Charge a us guys, dass Jesus.

Galatia 5:7

Befo time, you guys stay do real good. Who wen throw you guys off fo you no lissen da trut?

1 Peter 2:8

An da Bible tell dis too, “Dis da stone dat wen make da peopo fall down.” Dey fall down cuz dey no do wat God tell um fo do. Dass wat God tell goin happen to dem.

Hebrews 11:8

Abraham, he wen trus God. One time God tell him fo go one place dat goin come his land bumbye. So Abraham lissen God, an he go dea, no matta he neva know wea da place stay.

Hebrews 5:9

Christ wen come perfeck, an now he da One dat take all da peopo dat lissen him outa da bad kine stuff dey stay do. An he help um stay perfeck lidat foeva.

Rome 6:17

I tell God “Mahalo plenny!” Cuz befo time, you guys come slaves fo do da bad kine stuff. But now, you guys go fo broke. You lissen fo do all da stuff peopo wen teach you guys.

Rome 2:8

But da odda peopos, God had it wit wat dey do. He had it wit dem awready, cuz dey like make big kine trouble. Dey no like do da true stuff, but dey erytime like do wass wrong.

1 Peter 3:1

Same ting, you wifes lissen yoa husban. If get some husbans dat no like do wat God tell um fo do, dey goin see how good you ack an goin trus God, not cuz a wat you tell, but cuz dey see how you ack.

1 Peter 1:22

You guys wen do wat stay pono, az why now you stay all out fo God. Dat make you get choke plenny love an aloha fo yoa braddahs an sistahs. Az da kine love an aloha dat show you no jus ack. Eh, now show even mo plenny love an aloha fo each odda cuz you get one good heart.

Galatia 3:1

You guys from Galatia, all jam up, da way you tink! Who wen put kahuna on top you guys?! From befo time you guys wen hear bout how odda guys kill Jesus Christ on top da cross fo mahke fo us, jalike us make one picha fo you see real good.

Rome 16:26

But now, da tings da guys dat talk fo God from befo time, da stuff dat dey wen write inside da Bible, all dat make eryting mo easy fo undastan. Da God dat no goin mahke eva, he make shua all da diffren peopos know da tings dass was secret befo time. Dass how dey goin trus him an do wat he tell um fo do.

Rome 11:17

Az jalike da Jew guys one olive tree, an God hemo some branches from dat tree, an den he graf in odda kine branches. You guys dass not Jew guys, you jalike odda kine olive trees dat grow wild outside one olive tree farm, but God graf you in on top one good tree inside da farm. Jalike da odda branches, you get da same kine good tings from God, jalike da Jew guys.

Rome 1:5

Dass how Jesus stay, an dass why God like do good tings fo us guys. Cuz a dat he stay sen us guys all ova da place, cuz he like all da peopos from diffren places fo trus him an live da way he tell um fo live. An me, I like do dat fo dem know who Christ.

Jesus Guys 28:24

Some guys trus da Good Stuff Paul tell um, but da odda guys neva like trus um.

John 10:26

But you guys no trus me, cuz you guys not my sheeps.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Matthew 13:14

“Dey ack jalike da guys Isaiah talk bout befo time. He tell, “ ‘You guys goin hear, But you no goin undastan. You guys goin see, But you guys no goin see fo real.