Rome 1:29 - Hawaii Pidgin Bible

²⁹ Dey full a stuff dass not pono, an real bad kine stuff. Dey greedy buggahs dat get real pilau attitude. Dey all jealous. Dey like kill peopo. Dey like beef erybody. Dey sneaky buggahs. Dey ony tink bad kine stuff. An dey tell stuffs dey not suppose to tell bout odda guys.

Rome 1:29 Referans Kwoze

2 Corint 12:20

I sked dat wen I come ova dea, maybe I goin see you guys no stay live how I like you stay live. I sked you guys goin squawk at each odda, stay jealous, stay huhu, ony tink bout you, talk any kine bout each odda, talk bad bout odda guys, get big head, an eryting goin be hamajang. An maybe you guys goin see dat I no stay how you guys like see me too.

Smart Guys 16:28

Da kine guy dat like jam up eryting, He make erybody like beef each odda. Da kine guy ony grumble an talk bad, He split up good frenz.

Smart Guys 26:20

Wen no mo enuff kiawe wood, Da fire pio. Wen nobody talk bad, No get peopo fo talk back, Jalike dey like beef.

Songs 41:7

All da peopo dat hate me, come togedda Fo wispa to each odda bout me. Dey tink all kine bad stuff bout me.

Rome 3:10

Jalike da Bible befo time tell, “No mo nobody dat do da right ting erytime. No mo even one guy!

Matthew 5:32

But I stay tell you guys dis: Whoeva dump his wife, an she neva even fool aroun, he make her jalike she wen fool aroun. An if anodda guy marry her afta her husban dump her, dat guy jalike one guy dat go fool aroun da firs guy wife.

1 Timoty 3:11

Da wahines dat help in da church, same ting. Dey gotta be solid kine peopo. Dey no talk bad bout odda peopo. Dey no drink plenny cuz dey gotta know how fo ack. Can trus um bout eryting.

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.