Prieses 26:37 - Hawaii Pidgin Bible

³⁷ You goin fall down on top each odda, jalike you stay running away from guys wit swords, no matta nobody stay chase afta you. An you guys no get da powa fo even stan up in front da guys dat stay agains you guys.

Prieses 26:37 Referans Kwoze

Local Leadas 2:14

Da One In Charge stay huhu wit da Israel peopo. So he let some steala guys go rip dem off. Az jalike he sell dem to da peopo dat live all aroun dem an hate dem. Da Israel peopo no mo da powa fo stop da steala guys.

Jeremiah 37:10

Wen dey do dat, no goin matta you guys bus up all da Babylon army guys dat stay attack you guys! No goin matta da ony Babylon guys dat still stay alive stay hurt inside dea tents! Fo shua, even jus da ones dat stay hurt, still yet dey goin come aroun dis town an burn um up. You guys no can win, you know!”

Isaiah 10:4

Ony one ting you can do—give up! Cuz wat goin happen to you, mo worse den da prisona guys! O you can fall down on top da groun wit da odda mahke bodies, Cuz wat goin happen to you, mo worse den wat happen to da guys dey kill! An Da One In Charge stay huhu wit da Israel peopo still yet, An he stay ready fo bus um up.

Local Leadas 7:22

Wen da three hundred trumpets make noise, Da One In Charge make da Midian guys inside dea camp attack each odda wit dea swords. Dea army guys run away to Bet-Shittah nea Zerarah to da edge a Abel-Meholah, nea Tabbat.

Census 14:42

No go up dea, cuz Da One In Charge no stay wit you guys! Da guys dat stay agains you guys, goin win ova you!

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Jeremiah 6:21

Az why Da One In Charge tell dis: “I da One goin make da peopo all jam up. Da faddahs an dea boys goin get wipe out same time. Frenz an peopo nea dem goin mahke.”

Jeremiah 46:16

Da One In Charge wen make plenny army guys trip An fall down on top each odda. Dey goin tell each odda, ‘Stan up! Us go back by oua peopo, Da place we wen born, Away from da swords a da guys dat give us hard time.’

Nahum 3:3

Da army guys make dea horses run fas. Dey swing dea swords. Dea spears shine. Plenny peopo mahke. Mahke bodies all ova da place! No mo nobody can count um. Erybody trip an fall down ova um.

1 Samuel 4:2

Da Filisha army make plenny lines fo fight da Israel guys. An wen dey fight, da Filisha army win ova da Israel guys. Da place wea dey fight, dey kill bout four tousan Israel guys.