Prieses 26:25 - Hawaii Pidgin Bible

²⁵ An I goin bring army guys wit swords agains you guys. Dass how I goin pay back you guys, cuz you guys broke da deal I wen make wit you guys. Wen you guys go back inside yoa towns, I goin sen bad kine sick on top you guys. An da guys dat stay agains you guys goin take ova.

Prieses 26:25 Referans Kwoze

Census 14:12

I goin wipe dem out wit one bad kine sick an take away dea rights fo get da Canaan land dat I was goin give um. Den I goin make you come da faddah fo one big peopo, mo strong den dem.”

Ezekiel 5:17

I goin cut off you guys food, an I goin sen da wild kine animals fo hurt you guys. Dass why yoa kids goin mahke. You guys goin get da real bad kine sick. Peopo goin stab you an you goin mahke. I goin sen army guys fo kill you guys wit swords. Me, Da One In Charge wen tell dis.”

Ezekiel 33:2

“Eh! Fo Real Kine Guy! Talk to yoa Israel peopo. Tell um dis: ‘Wen me, Da One In Charge, sen out one army fo attack one country, maybe da peopo inside dat country goin pick one a dea guys fo be one watcha guy fo dem.

Ezekiel 29:8

Az why dis wat me, Da One In Charge, da Boss, tell: I goin bring army guys agains you Egypt guys, an kill yoa guys an yoa animals.

Ezekiel 20:37

Jalike one sheep guy make ery sheep walk unda his stick fo see if he da owna o not, I goin make shua you my guys wen you go unda my stick. I goin know wat ones mines an make dem come tight wit da deal I wen make wit you guys.

Ezekiel 14:17

“O maybe I bring war agains dat land an I tell da army guys come wipe out eryting. An I kill all da peopo an da animals.

Ezekiel 6:3

Go tell dem: ‘You Israel mountains! Lissen up! Dis wat Da One In Charge, da Boss, tell da mountains an da hills, da gulches an da valleys: Look me! I da One dat stay bring army guys fo fight you guys. I goin wipe out all da place on top da Israel mountains wea you guys go fo make sacrifice.

Jeremiah 24:10

I goin make war come to dem, I goin take away dea food, an goin sen one bad kine sick fo hurt dem till dey all come wipe out from da land dat I wen give to dem an dea ancesta guys.”

Rules Secon Time 32:25

Outside on da street, Goin get war dat goin wipe out dea kids. An even inside dea houses, Dey goin come real sked. Same ting fo da young guys an young wahines, Da bebes an da ol guys, Dey goin mahke too.

Rules Secon Time 28:21

“Da One In Charge goin make you guys come real sick till he wipe out all you guys from da land wea you wen come to fo take um ova.

Luke 21:11

Da groun goin shake. No goin get food, an all ova da place da peopo no goin get notting fo eat. Plenny peopo goin get real sick an mahke. Real bad an awesome stuff goin come dat goin make plenny peopo come real sked. Unreal stuff from da sky goin come.

Amos 4:10

Da One In Charge tell: “Was me wen sen da sick fo make trouble fo you guys, Same ting jalike befo time I wen make da Egypt peopo come sick. War time, was me wen kill yoa young guys An let da odda peopos catch you guys horses. Real sad! Haunas, da mahke army guys bodies inside yoa camp! Still yet, you guys no like come back an be my guys!” Dass wat Da One In Charge tell.

Sad Song 2:21

“Da young guys an da ol guys, Dey all stay lay mahke inside da dirt on top da streets. My young guys an girls get kill wit swords. You wen kill dem wen you stay real huhu. You wen wipe um out an neva get pity fo dem.

Jeremiah 9:16

I goin let plenny diffren peopos make da Israel peopo prisonas—da kine peopos dey donno. Da Israel peopo ancestas, dey neva know bout um befo time too. I goin sen peopo fo chase um wit swords till I wipe dem out.’ ”

Songs 94:1

Eh! You Da One In Charge! You da kine God dat get peopo back Fo da way dey jam up eryting! Fo erybody see how you get back Da ones dat tink fo do any kine!

2 Samuel 24:15

So Da One In Charge sen da real bad kine sick on top da Israel peopo from dat morning till da three days pau. An seventy tousan peopo mahke from Dan, da north side, to Beer-Sheba, da south side.

Rules Secon Time 32:41

Wen I make my sword sharp an shiny, I goin use um cuz I da judge, I goin punish da peopo dat stay agains me An pay back da peopo dat hate me.

Rules Secon Time 32:35

Wen dat time come, I da One goin afta da peopo fo pay um back fo da bad tings dey do. Wen da right time come, jalike dea feets goin slip. Da time fo wipe dem out Stay come pretty soon. An dey goin mahke real fas.”

Census 16:49

But 14,700 peopo wen mahke from da sick. An odda guys wen mahke befo cuz a Korah.

Prieses 26:6

“I goin make eryting come good fo you guys inside da land. Wen you guys lay down, you no need stay sked a nobody. I goin take away da wild kine animals from da land, an no mo nobody goin go thru dea fo make war.

Census 31:3

Az why Moses tell da peopo, “Make ready some a yoa army guys fo go fight da Midian guys, fo Da One In Charge pay dem back fo wat dey wen do.

Local Leadas 15:11

Den three tousan guys from Judah go down by da cave inside da Etam cliff. Dey tell Samson, “You donno dat da Filisha guys stay in charge a us guys, o wat?! Wat dis, you wen do to us guys?!” He tell, “I ony do to dem jalike dey wen do to me.”

1 Kings 8:33

“An bumbye, yoa Israel peopo Goin go do bad kine stuff An go agains you. Cuz a dat, da peopo dat stay agains dem Goin fight um an win. But wen yoa peopo turn aroun An come back to you, An tell dat dey yoa peopo fo real kine, An dey come dis Temple fo pray to you An beg you fo help dem,

1 Kings 8:37

“Bumbye, no goin get food inside da land, O get real bad kine sick, O da plants come sick, O da mold make da food pilau, O da grasshoppa an da caterpilla Eat up all da food Befo da peopo can harves um, O da peopo dat stay agains yoa peopo Sen dea army guys agains yoa towns, O get odda kine sick.

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Jeremiah 51:11

Da ones dat goin attack Babylon tell, “Make yoa arrows sharp. Fill up yoa arrow bags! Da One In Charge wen put one spirit inside da kings fo da Mede peopo Dat make um like do someting. Az cuz he make up his mind, Fo wipe out Babylon. How come Da One In Charge goin pay dem back, aah? He pay um back Cuz a wat dey wen do to his Temple!

Outa Egypt 5:3

Moses an Aaron tell um, “Da God fo us Hebrew peopo, he da One wen meet wit us. Dass why we stay aks you, try give us three day fo go inside da boonies. Den we can make one sacrifice fo Da One In Charge, oua God. Cuz if we no do um, bumbye God goin make all us guys come sick, o he goin let da army guys kill us wit swords.”

2 Kings 17:3

Shalmaneser, da Assyria king dat time, wen come wit his army guys fo attack Hoshea. Az how Hoshea come one small kine king unda Shalmaneser, an ery year, Hoshea gotta pay Shalmaneser plenny.

2 Records 24:24

No matta da Aram army wen come wit ony litto bit guys, Da One In Charge make dem win ova all da Judah army guys. Az was plenny guys. Cuz da Judah peopo wen bag from Da One In Charge, da God fo dea ancesta guys, dass how God punish King Joash.

Isaiah 1:20

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Isaiah 65:12

I tell you guys wass goin happen bumbye! All you guys goin go down on yoa knees, An da army guys dat kill da prisonas wit dea swords Goin kill you guys da same way! Cuz I wen yell to you guys, but you neva ansa. I wen talk, but you guys neva lissen. You guys wen do wass bad, Da way I see um. An you guys wen pick da kine stuff Dat I no like fo you do, an you still do um.”

Jeremiah 19:7

“ ‘Right hea, I goin jam up da plans dat da Judah peopo an da Jerusalem peopo make. Da guys dat stay agains da Judah peopo, an like kill um, dey goin kill da Judah peopo wit swords. An I goin make dea mahke bodies come food fo da birds inside da sky an da wild animals on top da earth.

Hosea 11:6

Cuz a dat, da peopo dat stay agains dem goin use swords Fo attack da Israel towns Dey goin bus up da bars on top da Israel town gates. Da Israel peopo goin make plans, But dey no can do notting!

Habakkuk 3:5

He sen da real bad kine sick in front him. Peopo mahke afta he leave.