Biblia Todo Logo
Bib sou entènèt

- Piblisite -




Prieses 24:8 - Hawaii Pidgin Bible

8 Ery Res Day, now an foeva, Aaron goin put dis kine bread in front me, Da One In Charge, fo da Israel peopo. Dass one part a da Deal dey get wit me, dat stay foeva.

Gade chapit la Kopi




Prieses 24:8
9 Referans Kwoze  

Now I goin start fo build one temple so erybody goin know wat kine god my God, Da One In Charge. I goin make da temple spesho fo him. Da pries guys goin burn incense dat smell nice in front him. Dey goin put out da spesho bread in rows ery day. Dey goin make one burn up kine sacrifice ery morning an ery aftanoon. Dey goin do dis ery week fo da Res Day, an ery new moon time, an fo da spesho religious ceremonies fo oua God, Da One In Charge. Dis goin be da kuleana fo da Israel peopo foeva.


“Ova da Table wea dey put da spesho breads in front me, Da One In Charge, dey goin spread one spesho kine blue cloth, an put on top um da plates, dishes, an bowls, an da jars fo da pour out sacrifice, an on top all dat, da spesho bread dat gotta stay in front me all da time fo stay dea.


Some a dea Kohat braddahs stay in charge fo bake da breads dey put on top da table ery Res Day.


Da silva, dass fo pay fo da breads dey put in rows on top da table inside da Temple, an da wheat flour dey give fo make one sacrifice, an fo buy da animals dey burn up ery day fo make sacrifice, an fo da spesho kine sacrifices fo da Res Day ery week an ery month, an da sacrifices fo da spesho times wen erybody come togedda, an fo pay fo da gifs dat stay spesho fo God, an fo pay fo da sacrifices dey make wen da Israel peopo do someting bad, fo make um right, an fo pay fo all da work us guys gotta do fo da Temple Fo Oua God.


Dey stay in charge a da bread dey put on top da table, da flour fo da wheat an barley sacrifices, an da crackas dat no mo yeast. Dey measure all da stuff fo tell how much an wat size, den dey mix stuff an bake um.


Put da twelve spesho breads on top da table, da ones dat show I stay wit yoa twelve ohanas. Ery day you gotta put new kine breads in front me, foeva.


Had one guy name Doeg, from da Edom land. He one a Saul worka guys, da one dat stay in charge a da guys dat take kea da sheeps fo Saul. Dat day, he gotta stay Nob side fo go in front Da One In Charge dea.


Ery day, morning time an almos dark, dey make smoke wit da burn up kine sacrifice, an wit incense dat smell nice fo Da One In Charge. Dey put out da breads on top da table dat stay clean in front Da One In Charge. Dey light da olive oil lamps on top da gold lamp stan ery day wen almos dark. Cuz us guys da ones stay do da kuleana oua God, Da One In Charge, give us. But you Israel guys wen bag from him.


Swiv nou:

Piblisite


Piblisite