Biblia Todo Logo
Bib sou entènèt

- Piblisite -




Prieses 23:24 - Hawaii Pidgin Bible

24 fo tell da Israel peopo dis: “Da month numba seven, da firs day, you guys make one day wen you guys res, an make one spesho time fo come togedda so you guys no foget wat I do. Blow horns real loud fo bring erybody togedda.

Gade chapit la Kopi




Prieses 23:24
14 Referans Kwoze  

Dis goin happen real fas, mo fas den can blink yoa eye. Goin happen bumbye wen time fo blow da las trumpet. Goin get da noise from da trumpet. Right den, da mahke guys goin come back alive. No way dey goin mahke an come rotten one mo time! Same ting wit us guys, us all goin come diffren.


Cuz God goin give da orda fo wat erybody gotta do. Da main angel guy goin call um out, an somebody goin blow God trumpet. An Jesus, Da One In Charge, goin come down from da sky! Den da mahke guys dat wen stay tight wit Christ, dey goin come alive one mo time!


Den, da month numba seven, day numba ten, az da Day Fo Make Da Peopo Come Pono Wit God, az da year numba fifty. Dat time, peopo goin blow da sheep horn trumpets all ova you guys land.


Blow da metal trumpets, An make noise Wit da sheep horn trumpets, In front oua king, Da One In Charge!


Da guys dat blow da trumpets an da guys dat sing, dey all play an sing togedda jalike one voice, fo tell Da One In Charge “Mahalo plenny!” an tell good stuff bout um. Dey sing togedda wit da trumpets, da cymbals, an da odda tings fo make da music, an dey sing good stuff bout Da One In Charge lidis: “Sing! Cuz Da One In Charge, he good Cuz he stay tight wit us guys foeva.” Right den an dea, Da One In Charge fill his Temple wit one cloud!


Dat time, one big sheep horn trumpet goin blow. Da Israel peopo dat stay go all ova da place inside Assyria An da ones dey wen make go Egypt side, Dey all goin go God spesho hill inside Jerusalem town, An go down in front Da One In Charge Fo show love an respeck fo him ova dea.


Fo fifteen days befo da Time Fo Live Inside Shacks start, da pries guys make da kine burn up sacrifice ery day fo Da One In Charge, even befo dey start fo put da foundation fo da new Temple Fo Da One In Charge.


Dass how all da Israel peopo bring up da Box Fo No Foget Da Deal Wit Da One In Charge. Dey yell cuz dey feel good inside, an dey make noise wit da sheep horn trumpets an da long metal trumpets, da cymbals, da bass harps, an da small harps.


Da One In Charge tell Moses


Was Octoba 8. Da peopo wen build one wood stage fo Ezra. All da guys an wahines, an all da kids dat can undastan, dey stay dea fo lissen good. Da pries guy Ezra bring da book wit da Rules in front dem. He stan on top da stage by da open place inside da Watta Gate. On da right side had Mattitiah, Shema, Anaiah, Uriah, Hilkiah, an Maaseiah. Da lef side had Pedaiah, Mishael, Malkijah, Hashum, Hash-Baddanah, Zekariah, an Meshullam. Den Ezra open da book. All da peopo can see him cuz he stay stan up dea on top da stage. Az why wen he open da book, erybody stan up. Ezra start fo read da Rules to dem early morning time, an he stay read till noon time.


Eh! You Da One In Charge! Da peopo dat wen learn How fo tell dat you da bestes, Dey can stay good inside fo real kine. Ery place dey go, You show um wat fo do, Cuz you stay wit um, Jalike you da light fo dem.


Swiv nou:

Piblisite


Piblisite