Prieses 20:12 - Hawaii Pidgin Bible

¹² “If somebody make sex wit dea daughtah-in-law, da guy an da wahine gotta mahke. Wat dey do, az one real pilau kine ting. Da two a dem get da blame fo wat dey do.

Prieses 20:12 Referans Kwoze

Prieses 18:15

“No make sex wit yoa daughtah-in-law. She yoa boy wife. No make sex wit her.

Prieses 18:23

“No make sex wit one animal, an come pilau lidat. One wahine betta not give her body to one animal fo make sex wit um. Dat mean dey ack jalike peopo an animals not diffren, an az go agains fo do da right tings.

Start 38:18

Judah tell, “Wat kine tings you like?” Tamar tell, “Da ring you use fo put yoa mark on top stuff, da string fo tie da ring aroun da neck, an da stick fo walk you carry.” So Jacob give Tamar da tings. Den he make sex wit her an she come hapai from him.

Rules Secon Time 27:23

“Da Levi guys goin tell: ‘God goin punish da guy dat make sex wit his muddah-in-law!’ “All da peopo goin tell: ‘Az right!’

Start 38:16

Judah stop an go ova dea by her, an tell her, “Eh come! I like sleep wit you!” He talk lidat cuz he neva know az was his daughtah-in-law. Tamar tell, “So! How much you goin pay me fo sleep wit you?”

Outa Egypt 22:2

If da peopo catch one steala guy wen he broke inside one house nite time, an dey bus up da steala guy an he mahke, no need kill da peopo dat wen bus up da steala guy.