Prieses 19:36 - Hawaii Pidgin Bible

³⁶ Use da kine scale an measure dat stay right an tell da trut. I yoa God, Da One In Charge, dat wen bring you guys outa Egypt.

Prieses 19:36 Referans Kwoze

Smart Guys 11:1

Wen somebody make da scale go off fo cheat peopo, Dat kine make Da One In Charge sick! But wen dey get da weight right, Dass wat he like.

Outa Egypt 20:2

“Dis me, Da One In Charge, yoa God, dat stay talk. Was me wen get you guys outa da Egypt land, wea you guys was slaves.

Smart Guys 20:10

Maybe you use one stone dass too heavy Fo weigh wat you goin sell to one guy, But you use one light stone Fo weigh da same ting fo sell to anodda guy. O maybe you use two diffren kine measure Wen you sell stuff to diffren peopo, Da way Da One In Charge see um, az pilau!

Prieses 19:37

“You guys gotta make shua fo do all da tings I tell you guys you gotta do, an all da rules I give you fo do um. Cuz me Da One In Charge.”

1 Records 23:29

Dey stay in charge a da bread dey put on top da table, da flour fo da wheat an barley sacrifices, an da crackas dat no mo yeast. Dey measure all da stuff fo tell how much an wat size, den dey mix stuff an bake um.

Ezekiel 45:10

You goin use da right kine scales fo weigh stuff, da right kine tings fo measure da dry stuff, an da right kine tings fo measure da stuff you pour.

Micah 6:11

You tink I suppose to let dem go Wen dea scales bulai an dey weigh um wrong?!

Zekariah 5:6

I aks, “Wass dat?” He tell, “Az one big basket fo measure stuff. Dis show you da bad kine stuff dat da peopo all ova da land stay do.”

Prieses 11:45

Me, Da One In Charge, da One wen bring you guys outa Egypt, fo me come yoa God. Az why you guys gotta stay spesho fo me cuz I stay spesho.

Smart Guys 16:11

Da scales you use fo weigh stuff, Fo Da One In Charge, dey gotta be right. Eryting you use fo measure stuff, Az his kuleana.