Prieses 19:35 - Hawaii Pidgin Bible

³⁵ “No use bulai kine measure wen you tell how long someting, o how heavy someting stay, o how much get.

Prieses 19:35 Referans Kwoze

Rules Secon Time 25:15

You guys gotta weigh an measure stuff da right way, jalike all da odda peopo. Az how you goin live long time inside da land yoa God, Da One In Charge, stay give you.

Rules Secon Time 25:13

Wen you sell stuff, no go rip off somebody wit diffren kine weight fo you make some stuff look mo heavy an some stuff mo light.

Matthew 7:2

Da way you guys judge da odda guys, dass how God goin judge you guys too. An da rules you guys use fo judge, he goin use da same rules fo judge you guys too.

Micah 6:1

Lissen wat Da One In Charge tell: “Stan up in front da Judge! Tell how come you do Wat you wen do! Tell um in front da mountains! Let da hills hear wat you guys tell Bout wat you wen do!

Smart Guys 20:10

Maybe you use one stone dass too heavy Fo weigh wat you goin sell to one guy, But you use one light stone Fo weigh da same ting fo sell to anodda guy. O maybe you use two diffren kine measure Wen you sell stuff to diffren peopo, Da way Da One In Charge see um, az pilau!

Smart Guys 16:11

Da scales you use fo weigh stuff, Fo Da One In Charge, dey gotta be right. Eryting you use fo measure stuff, Az his kuleana.

Smart Guys 11:1

Wen somebody make da scale go off fo cheat peopo, Dat kine make Da One In Charge sick! But wen dey get da weight right, Dass wat he like.

Prieses 19:15

“Wen you guys judge peopo, make shua you do um da right way an make um even. No make diffren kine to da guys dat no mo notting an da guys dat stay rich. Make fair fair to erybody wen you judge odda peopo.

1 Records 23:29

Dey stay in charge a da bread dey put on top da table, da flour fo da wheat an barley sacrifices, an da crackas dat no mo yeast. Dey measure all da stuff fo tell how much an wat size, den dey mix stuff an bake um.

Ezekiel 45:10

You goin use da right kine scales fo weigh stuff, da right kine tings fo measure da dry stuff, an da right kine tings fo measure da stuff you pour.