Prieses 19:15 - Hawaii Pidgin Bible

¹⁵ “Wen you guys judge peopo, make shua you do um da right way an make um even. No make diffren kine to da guys dat no mo notting an da guys dat stay rich. Make fair fair to erybody wen you judge odda peopo.

Prieses 19:15 Referans Kwoze

Rules Secon Time 1:17

No make to one guy mo betta den to anodda guy. Lissen, no matta if he one importan guy o one guy dass not importan. No sked dem, cuz God da one goin help you figga wass right, an you stay do um fo him. If you donno wat fo do, den tell me, Moses, an I goin lissen.

Smart Guys 24:23

An now, some odda tings from da guys dat know wat fo do erytime: Wen you da judge, No good you judge diffren kine fo some peopo.

Rules Secon Time 27:19

“Da Levi guys goin tell dem: ‘God goin punish whoeva no make right in front da judge to one guy from some odda place, one kid dat no mo faddah o muddah, o one wahine dat no mo husban.’ “All da peopo goin tell: ‘Az right!’

Prieses 19:35

“No use bulai kine measure wen you tell how long someting, o how heavy someting stay, o how much get.

Smart Guys 18:5

No good, one judge ony lissen To da guy dat do someting bad, An no lissen da guy dat stay hurt. Same ting, no good, if one judge go agains Da guy dat do wass right, An no do fo him wass right.

Rules Secon Time 16:19

No judge da wrong way, an no make mo spesho fo some peopo. No take money from peopo fo you do tings fo dem. Cuz dat make da peopo dat know wat fo do erytime jalike dey no can see, an make da peopo dat do wass right erytime jalike dey donno notting.

Songs 82:2

“Eh you guys! No do wass not right no moa Wen you judge yoa peopo! No make nice no moa To da peopo dat do bad kine stuff! (Time out fo da music.)

Outa Egypt 18:21

Same time, from all da peopo, go find an pick guys dat can handle dis job. Pick da kine dat stay sked weneva dey stay in front God cuz dey get awesome respeck fo him. Dey gotta be da kine guys you can trus, an dat no goin make any kine jus fo get plenny money. Make some a dem da main leada guys fo tousan peopo, an odda ones da main leada guys fo hundred peopo, fifty peopo, an ten peopo.

John 7:24

No ack jalike one judge wen you guys can see ony da outside stuff. If you guys goin ack jalike one judge, gotta judge da right way.”

Jesus Guys 23:3

Den Paul tell him, “God goin wack you. You jalike one wall dey cova wit white kine paint. You sit dea fo judge me jalike da Rules From God tell, but den, you broke da Rules From God too, cuz you tell da guys fo slap me!”

Rules Secon Time 10:17

Cuz oua God, dass Da One In Charge a us, he da real God mo den all da odda gods, an he da real Boss mo importan den all da odda bosses. He da big an strong God, an you betta be sked a him. He no make to one guy mo betta den da odda guy, an you no can pay him fo make him do spesho stuff fo peopo.

Job 13:8

You guys goin make nice nice to him fo him goin do wat you like, o wat?! You guys goin make jalike lawyas fo him, o wat?!

Job 32:21

I no stay ack jalike one guy mo betta den anodda guy. I no goin sweet talk nobody.

Job 34:19

He no make mo betta to one prince den he make to anodda prince. He no make mo betta to da rich peopo den he make to da pooa peopo. Cuz he wen make all dem.

Smart Guys 31:9

‘Open yoa mout an judge da right way. Make shua da peopo dat no mo notting An da ones dat stay suffa get dea rights.’ ”