Prieses 16:33 - Hawaii Pidgin Bible

³³ an make da sacrifices fo make shua dat da Real Real Spesho Place, da Tent Wea Da Peopo Come Fo Meet Me, an da altar, da pries guys, an da peopo all stay pono wit me.

Prieses 16:33 Referans Kwoze

Prieses 16:16

Az how da pries guy goin make shua da Real Real Spesho Place stay pono wit me, Da One In Charge. Az cuz da Israel ohana peopo do da kine stuff dat make um fo dem no come in front me. Dey go agains me weneva dey do bad kine stuff. Den da pries guy do da same ting fo da Tent Wea Da Peopo Come Fo Meet Me, Da One In Charge. Dat Tent stay inside da middo a dea camp, even wen dey do bad kine stuff dat make um fo dem no come in front me.

Prieses 16:24

He goin bafe in watta inside da place dat stay spesho fo me, an put on his regula clotheses. Den he goin come out an make da burn up kine sacrifice fo him, an anodda one fo da peopo, fo make him an da peopo come pono wit me Da One In Charge one mo time.

Prieses 16:6

“Den Aaron goin bring in da bull dat goin be da sacrifice fo da bad kine stuff he wen do, fo make him an his ohana come pono wit me Da One In Charge.

Prieses 16:11

“Den Aaron goin bring da bull fo make one sacrifice fo da bad kine stuff he wen do, an kill um, fo make him an his ohana come pono wit me.

Ezekiel 45:18

“ ‘Dis wat me Da One In Charge, da Boss, tell: Da month numba one, da day numba one, you goin take one young boy cow dat no mo notting wrong wit um, an make da spesho place clean.

Prieses 23:28

No do work dat day, cuz az da day fo make da peopo come pono wit me, yoa God, Da One In Charge.