Prieses 11:29 - Hawaii Pidgin Bible

²⁹ “From da small kine animals dat run aroun on top da groun, dese kine animal, if you guys eat um, dey make um so you guys no can come in front me: da weasel, da rat, all kine big lizard,

Prieses 11:29 Referans Kwoze

Hebrews 13:5

Try live so you no mo plenny love fo money. Stay good inside bout da stuff you get awready. Cuz God da One tell, “No way I eva goin leave you! No way I goin bag from you!”

Colosse 3:5

Az why, throw way all dese tings inside you dat come from dis world. No go fool aroun wit somebody you no stay married to. No do pilau kine stuff. No tink pilau kine stuff. No tink plenny bout da kine bad stuff dat ony you like do. No try get eryting fo ony you, cuz da stuff you get goin come one idol kine god fo you.

Philippi 3:19

Dem guys, bumbye dey goin come wipe out. Dey ony live fo eat. Dey do shame kine stuff all da time, an dey talk real big wen dey make lidat. Dey da guys dat ony like tink bout da kine stuff from dis world.

Efesus 4:14

Get some peopo dat like teach us guys all kine stuffs fo bulai us an dey sly buggahs. But we no goin lissen dem. We no goin be jalike small kids dat tink any kine stay fo real kine. We no goin be jalike one small boat dat da waves push all ova da place, an da wind go blow um hea an dea.

John 6:66

From dat time had plenny guys dat he teach befo time, but some a dem go back, an neva like go wit him no moa.

John 6:26

Jesus tell, “Dass good you guys stay look fo me. But I like tell you guys dis: You guys do um cuz I wen give you guys bread fo eat, an you guys come full. You guys no look fo me cuz I wen do awesome stuff fo show who me.

Luke 16:14

But da Pharisee guys, dey love money. Wen dey hear all da stuff Jesus wen tell, dey make fun a him.

Luke 12:15

Jesus tell da peopo, “Watch out! Make shua you no try get eryting fo ony you, cuz if you get plenny stuffs, dat no mean you goin live fo real kine!”

Haggai 2:6

“Dis wat me Da One In Charge, Da God Ova All Da Armies, tell: ‘Pretty soon, one mo time I goin shake da sky an da earth, da ocean an da dry land.

Isaiah 66:17

“Get peopo dat make religious kine ceremonies Fo make um come spesho fo dea idol kine gods, An fo go in front dea gods Inside da places wit trees wea dey pray. Dey follow one leada guy fo go inside da middo. Den dey eat da kine stuff togedda dass kapu fo dem, Pig meat an rats. An dey all goin mahke togedda.” Az wat Da One In Charge tell.

Songs 10:3

Cuz dem bad guys talk big Bout da bad tings dey like do. Dey talk real good Bout da ones dat take stuff away from odda peopo, Same time, dey talk pilau bout Da One In Charge, Jalike he no mean notting.

Start 1:20

Den God tell, “Inside da watta, I like get choke diffren kine tings dat live dea! Up inside da sky, I like get plenny bird an all kine tings dat fly up ova da groun!”

Prieses 11:28

Whoeva pick up one a dea bodies gotta wash dea clotheses, an dey no can come in front me till da sun go down. Dey make um so you guys no can come in front me.

Prieses 11:30

da gecko, da monitor lizard, da shiny kine lizard, da sand lizard, an da lizard dat change color.

Smart Guys 30:28

Da gecko, you can catch um wit yoa hand, But dey even live wea da king live.