Prieses 11:13 - Hawaii Pidgin Bible

¹³ “Dese da kine birds az pilau fo you guys, an no eat um, cuz dey not fo eat: da eagle, all kine scavenja birds,

Prieses 11:13 Referans Kwoze

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.

Matthew 24:28

Wen dat happen, you guys goin know wea I stay. Jalike erybody know wea get someting mahke wen da scavenja birds come togedda ova dea.

Habakkuk 1:8

Dea horses run mo fas den da leopards. Dey mo skery den da hungry wild dogs Wen dey hungry dark time. Wen get war, all dea horses run real fas. Da guys dat ride um come from far away. Dey go jalike one scavenja bird Dat dive down fas fo grab someting fo eat.

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Sad Song 4:19

Da guys dat chase us guys run fas. Mo fas den da eagles inside da sky. Dey chase us ova da mountains. Dey wait fo jump us inside da boonies.

Jeremiah 48:40

Dis wat Da One In Charge tell: “Look! One nation stay come! Jalike one eagle dat dive down fas. Da eagle spread his wings fo attack Moab.

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 4:13

“Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Job 38:41

Who give food to da scavenja bird Wen dea bebes cry to me, God, fo food, An go all ova da place cuz no mo food?”

Job 28:7

Da scavenja birds donno how fo go to da mines. Da hawks no see um.

Prieses 11:11

An cuz dey stay pilau fo you guys, you guys betta not eat dea meat, an you guys betta make dea mahke bodies jalike dey pilau fo you.

Prieses 11:12

All dat, anyting dat live inside da watta dat no mo fin o scale, az pilau fo you guys.

Prieses 11:14

all kine kite birds,

Zekariah 5:9

Den I look, an dea in front me get two wahines dat stay flying an da wind stay blowing thru dea wings. (Dey get wings jalike da stork bird.) Dey lif up da basket wit da earth undaneat um an da sky ova um.