Obadiah 1:2 - Hawaii Pidgin Bible

² “Look! I goin make you Edom peopo come nobody! Dass how da nations aroun you guys see you! Dey goin tell you guys you good fo notting!

Obadiah 1:2 Referans Kwoze

Isaiah 23:9

Was Da One In Charge, Da God Ova All Da Armies! He da One plan um Fo shame all da awesome peopo dat get big head, An make erybody in da world lose face Dat wen get respeck befo time.

Census 24:18

He goin take ova da Edom peopo. Even da guys from Seir dat hate him, He goin take ova dem. But da Israel peopo goin come mo strong.

Micah 7:10

Den da peopo from odda lands dat stay agains me goin see dat, An dey goin come plenny shame in front erybody. Cuz dey wen make fun a me an tell, ‘Eh! Yoa God, Da One In Charge, wea he stay?!’ But I goin see dem lose face! Dey goin come jalike da mud dat get on top da streets, Wen peopo walk all ova um.

Ezekiel 29:15

Goin come da mos mina country, an dey no goin ack jalike dey da mos importan country no moa. I goin make dem come weak so dey no can take ova da odda nations no moa.

Jeremiah 49:15

“Now I goin make you Edom guys lose face, Da way all da odda peopos goin see you. You guys no goin get respeck!