Obadiah 1:15 - Hawaii Pidgin Bible

¹⁵ “Da time stay nea Fo me Da One In Charge take ova all da nations! Jalike you guys wen do to da Israel peopo, I goin do da same ting to you Edom guys!

Obadiah 1:15 Referans Kwoze

Habakkuk 2:8

Cuz you guys wen rip off plenny nations, All da peopos dat still stay alive goin rip off you guys. Az cuz you guys wen make peopo bleed an mahke. An wen wipe out lands an towns an erybody inside um.

James 2:13

Da guy dat make jalike one judge fo da odda peopo, an no give um chance, dat guy no goin get chance wen he stan in front God da Judge. But wen you give da odda guy chance, den no need fo God judge you, an dass mo betta.

Matthew 7:2

Da way you guys judge da odda guys, dass how God goin judge you guys too. An da rules you guys use fo judge, he goin use da same rules fo judge you guys too.

Ezekiel 30:3

Cuz da day stay nea Da time wen Da One In Charge goin take ova. Goin get real cloudy dat time. Cuz time awready fo wipe out da diffren peopos.

Micah 5:15

I goin stay real huhu. I goin punish all da peopos, Da ones dat no lissen wen I tell um wat fo do.”

Jeremiah 50:29

“Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Songs 137:8

You Babylon peopo, Garans you goin come all bus up. If somebody punish you Fo wat you wen make to us guys, Us like God make dem Stay good inside!

Joel 1:15

Bummahs, dat time! Cuz pretty soon, Da One In Charge goin come. Dat time, Da God Dat Get All Da Powa Goin wipe out peopo.

Ezekiel 35:15

Cuz you Edom guys wen dance an sing an stay good inside wen odda guys wase da Israel peopo property, az how I goin make to you guys! You Seir Range peopo, an all you Edom peopo, I goin let odda guys wase you guys land an make eryting dea come skery. Den peopo goin know dass me Da One In Charge do all dat!”

Jeremiah 49:12

Dis wat Da One In Charge tell: “Get peopo dat da judge tell, no goin suffa. Still yet, even dose peopo goin suffa. So den, how come you guys figga I no goin punish you guys an make you suffa? Fo shua I goin make you guys suffa!”

Local Leadas 1:7

Den Adoni-Bezek tell dem, “Get seventy king guys, I wen win ova dem. I wen cut off dea thumbs an big toes. I make um pick up da crumbs from unda my table. Wat I wen do to dem guys, God pay me back same ting!” Da Judah guys take him Jerusalem side, an he mahke ova dea.

Job 24:1

“Bummahs, dat Da God Dat Get All Da Powa No tell wat day he goin judge da bad peopo! Bummahs, dat even da peopo dat know him Gotta wait fo see him judge da bad peopo!

Jeremiah 51:56

Wen da army guys go attack Babylon town fo wipe um out, Dey goin make da Babylon army guys dea prisonas, An broke dea bows an arrows. Cuz fo shua, dass da kine God me, Da One In Charge. I goin pay dem back fo eryting dey wen do.

Ezekiel 35:11

Az why me, Da One In Charge, da Boss, tell, ‘Fo shua I stay alive! An fo shua I goin pay you Edom guys back da same way you guys wen make to da Israel peopo. You guys stay huhu wit dem, an ack jealous to dem, an show you hate dem. Cuz a dat, I goin be da judge fo you Edom peopo, an I goin make da Israel peopo know dat me Da One In Charge dea God.

Joel 2:1

Blow da sheep horn trumpet On top Mount Zion! Yell to da peopo on top da hill dat stay spesho fo me, An tell um watch out! Good, dat erybody dat live inside da land goin shake cuz dey sked. Cuz da time stay nea fo Da One In Charge come!

Joel 2:11

Da One In Charge make noise jalike da thunda. He lead his army guys, Mo plenny den can count um. Dey strong, an dey do wat he tell um fo do. Da time wen Da One In Charge come fo take ova, Erybody goin stay sked an suffa. No mo nobody can hang in dea.

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Amos 5:20

Dat time, wen Da One In Charge come back, no goin be good fo you! No goin get light! Ony goin get dark, Jalike wen get one real dark nite an no can see notting.”

Esther 9:25

But wen da king find out wat Haman was goin do to da Jews, da king write down fo his guys dat wat Haman wen plan, goin come back to him, an fo da king guys go hang Haman an his boys.

Smart Guys 5:22

Wen somebody do bad kine stuff, Da tings dey do, trap dem. Dey no can run away, Cuz jalike dey all tie up wit rope.

Jeremiah 12:14

Dis wat Da One In Charge tell: “All da real bad kine peopos dat live nea me, dey like grab da land I wen give to my Israel peopo fo come dea property. I goin throw out dose bad peopos from dea land. But I goin throw out da Judah ohana from dea land too!