Nehemiah 9:11 - Hawaii Pidgin Bible

¹¹ You open up da sea in front dem Fo dem go inside da middo a da Red Sea On top dry groun. But da guys dat was chasing dem, You throw dem down inside da deep watta, Jalike wen you throw one rock inside da rough ocean.

Nehemiah 9:11 Referans Kwoze

Songs 78:13

God wen split open da Red Sea An take da peopo thru da middo To da odda side. He wen make da watta pile up Dis side an dat side Jalike had one dam dea.

Hebrews 11:29

Da Israel peopo, dey wen trus God. Dass why dey wen walk thru da middo a da Red Sea, cuz was jalike dry land dat time. But wen da Egypt guys try fo do da same ting, da watta wipe um out.

Songs 66:6

He wen make da bottom a da Red Sea Come dry land, Fo da peopo walk to da odda side. Dass da place wea da peopo Come real good inside cuz a God!

Jesus Show 18:21

Den one strong angel guy pick up one mangus stone, dass big jalike one millstone. He throw um inside da ocean. Den he tell, “Dass how Babylon, da big town, goin come wipe out real fas! An nobody goin eva see um no moa!

1 Corint 10:1

Eh, my braddahs an sistahs! Dis one ting you guys gotta know: Befo time, oua ancesta guys wen stay unda da cloud God wen sen, an God wen open da Red Sea from one side to da odda side, an dey all wen walk thru on top da sea floor to da odda side.

Outa Egypt 14:14

Da One In Charge, he da One goin fight fo help you guys. You guys, jus shut up an watch!”

Outa Egypt 14:25

God make da wheels fo dea war wagons come off fo no move how dey like. Da Egypt guys, dey figga, “Mo betta us guys get away from dose Israel guys, cuz dass dea god, Da One In Charge, stay fight fo dem, an agains us Egypt guys!”

Outa Egypt 14:29

But da Israel peopo, dey walk thru da Red Sea from one side to da odda side, an da groun stay dry, an da watta stay jalike two wall fo dem, right side an lef side.

Jeremiah 32:20

You wen do awesome stuff fo show da peopo inside da Egypt land yoa powa, an you wen do stuffs ony you can do, an peopo know bout all dat, still yet today. Az how you make plenny peopo know wat kine god you—da Israel peopo an all da odda peopo all ova da world.