Nehemiah 8:18 - Hawaii Pidgin Bible

¹⁸ Ery day, from Day Numba One to Day Numba Seven, Ezra read to dem someting from da book dat get da Rules from God. Den, Octoba 15, dey all come togedda an make one mo spesho religious kine ceremony jalike God wen tell um fo do.

Nehemiah 8:18 Referans Kwoze

Census 29:35

“Day numba eight, all da peopo goin come togedda, an no do regula kine work.

Prieses 23:36

Fo seven days you guys gotta make sacrifices wit fire fo me, Da One In Charge. Day numba eight, az spesho fo me too. Erybody gotta come togedda one mo time, an make one sacrifice wit fire fo me, Da One In Charge. Az da las time fo come togedda an stay spesho fo me, an no do work.

John 7:37

On da las day a da spesho religious kine ceremony, dass da main day, Jesus stan up, an talk real loud. He tell, “Whoeva stay thirsty, let um come by me fo drink.

Prieses 23:41

Ery year, all you guys gotta make dis spesho religious kine ceremony fo me, Da One In Charge. You an yoa kids goin make um ery year da month numba seven. Dis, az anodda ting you guys gotta do from now an foeva, wea eva you guys live.

Nehemiah 8:2

Was Octoba 8. Da peopo wen build one wood stage fo Ezra. All da guys an wahines, an all da kids dat can undastan, dey stay dea fo lissen good. Da pries guy Ezra bring da book wit da Rules in front dem. He stan on top da stage by da open place inside da Watta Gate. On da right side had Mattitiah, Shema, Anaiah, Uriah, Hilkiah, an Maaseiah. Da lef side had Pedaiah, Mishael, Malkijah, Hashum, Hash-Baddanah, Zekariah, an Meshullam. Den Ezra open da book. All da peopo can see him cuz he stay stan up dea on top da stage. Az why wen he open da book, erybody stan up. Ezra start fo read da Rules to dem early morning time, an he stay read till noon time.