Nehemiah 6:2 - Hawaii Pidgin Bible

² Sanballat an Geshem sen somebody fo tell me, “Go come fo meet us, in one small town Ono Valley side.” But I know dey stay make one plan fo do someting bad to me.

Nehemiah 6:2 Referans Kwoze

Songs 37:12

Da bad peopo make One no good kine plan Agains da peopo dat do Wass right erytime. Da bad peopo grind dea teet Cuz dey so mad wit da good peopo.

1 Records 8:12

Elpaal boys: Eber, Misham, Shemed (dat wen build Ono an Lod an da small towns aroun dea),

Nehemiah 11:35

Lod, an Ono inside da valley wea da guys dat make fancy kine tings live.

Ezekiel 33:31

My peopo come yoa house an go inside. Dey sit down in front you an hear wat you tell. But dey no do wat you tell! Dey ony talk bout sex, an inside dem dey like rip off peopo fo get eryting fo ony dem.

Jeremiah 41:2

Ishmael an his ten guys get up an jump Gedaliah wit dea swords an kill um. Gedaliah, you know, he da guy dat da Babylon king wen pick fo stay in charge a da land.

Teacha 4:4

An I stay tink bout all da hard work an eryting dat peopo stay do. An how come dey do um? Fo shua, cuz one guy tink he do someting mo betta den some odda guy do um. Dat no make sense too. Dey chase afta da wind.

Songs 37:32

Da guys dat do bad kine stuff Stay look fo how fo grab Da peopo dat do da right tings Fo kill um,

Songs 12:2

Da peopo talk real nice kine Fo bulai peopo, Dey tell one ting, But dey no mean dat.

2 Samuel 20:9

Joab tell Amasa, “Howzit, brah?” Den Joab take Amasa by da beard wit his right hand, an make jalike he goin kiss him.

2 Samuel 3:27

Wen Abner come back Hebron side, Joab take him inside one small security guard room by da gate. He make jalike he like talk to Abner, jus dem two inside one quiet place. But fo pay back Abner fo kill Joab braddah Asahel, Joab stab Abner in da belly, an he mahke.

Nehemiah 6:3

I sen some guys by dem fo tell um, “I get one big job fo do ova hea. Az why I no can go ova dea. No good I leave da job fo go by you guys an da work stop.”

Nehemiah 3:22

From dea, da pries guys dat live inside da odda small towns nea Jerusalem fix da wall.