Nehemiah 5:18 - Hawaii Pidgin Bible

¹⁸ Ery day my peopo cook fo erybody one cow, six sheeps dat dey pick spesho fo us guys, an some chickens, an dey cook um fo me. Ery ten days gotta go get plenny diffren kine wine. Still yet, wit all dat food, I no aks fo da money I get da right fo use cuz I da govna, cuz dat make da peopo work mo hard fo do all dat.

Nehemiah 5:18 Referans Kwoze

Songs 37:26

Da peopo dat do da right ting, Dey erytime get one good heart Fo lend stuff to peopo. Peopo tell, “Wen God wen give kids To dose good guys, Was good wat he wen do fo dem!”

Songs 37:21

Da peopo dat do bad kine stuff, Wen dey borrow money from you, Dey no pay you back. Da guys dat do wass right, Dey like give stuff to peopo Fo kokua dem.

2 Tessalonika 3:8

We neva jus eat stuff fo free dat time, you know. We wen bus ass day time an nite time, doing all kine work. We wen make lidat cuz we neva like make hard fo nobody, dass why.

1 Kings 5:3

“You know awready, dat my faddah David stay pray to God, Da One In Charge. But get diffren peopos come afta him from all aroun him, fo make war. Az why my faddah no can build one Temple fo his God, Da One In Charge, fo erybody know wat kine god him. In da end, Da One In Charge let my faddah win ova dem.