Nehemiah 4:6 - Hawaii Pidgin Bible

⁶ Us guys wen build da wall till da whole wall stay join togedda awready an no mo puka, an get ony half way mo fo build. Dat happen cuz da peopo go all out fo work.

Nehemiah 4:6 Referans Kwoze

Philippi 2:13

God, he da One stay make you guys like do da tings he like you fo do. An he help you guys fo do um.

Hebrews 13:21

So, I like God make you guys ready fo do eryting good dat he like you guys fo do. I like him fo do stuff inside us guys dat make him stay good inside. He do dat cuz Jesus Christ give us da powa dat we need. An I like fo erybody tell how awesome Jesus stay, foeva an eva! Dass it!

Nehemiah 6:15

Octoba 2, we pau build da town wall, an ony take 52 days!

1 Records 29:14

“But who me, an who my peopo, dat us guys get enuff stuff fo us give all dis to you, an stay good inside cuz we give um?! Eryting come from you, an us guys ony give back to you wass yoas.

1 Records 29:3

An fo real kine I like go all out fo give my stuffs, my gold an silva, fo da Temple fo my God, mo den da odda stuffs I wen make ready fo dis Temple dat goin stay spesho fo God.

Songs 110:3

Wen you take yoa army guys Out fo fight, Dey all goin like go wit you. You goin wear fancy kine clotheses Dat show you spesho fo God. You goin feel jalike you stay young One mo time. You goin go out wen da dew come On top da grass From early morning time Wen da light come out.

2 Records 29:36

Hezekiah an all da peopo come real good inside, cuz a wat God wen make his peopo come ready fo do, fo dem do all dat stuff real fas.

Nehemiah 4:5

No hide da bad tings dey do. No take away dea shame, No foget da bad kine tings dey do Cuz dey make da builda guys come real sore inside!”

Nehemiah 4:7

But den, Sanballat an Tobiah an da Arab guys an da Ammon guys an da Ashdod guys, dey hear dat da work fo fix da Jerusalem town wall stay go good, an dat da peopo start fo fill up da places wea da wall stay bus up. Sanballat dem come real huhu bout dat.

Songs 122:3

Da peopo wen build Jerusalem town, Fo da whole place come All togedda real good.

Haggai 1:14

So Da One In Charge make erybody like go all out fo do wat he tell um fo do—Zerubbabel, Shealtiel boy, da govna fo Judah, an Joshua Jehozadak boy, da Main Pries Guy, an all da res a da peopo dat stay dea. Dey come da house fo dea God, Da One In Charge, Da God Ova All Da Armies, an start fo do da work.