Nehemiah 4:23 - Hawaii Pidgin Bible

²³ All dat time, me an my worka guys an da security guard guys dat stay by me, all us guys neva take off oua clotheses. All us guys get someting fo fight wit, even wen we go fo drink watta.

Nehemiah 4:23 Referans Kwoze

1 Corint 15:10

But God, he unreals good to me! He wen make me come how I stay now. An he neva wase time wen he wen do real plenny good stuff fo me. Afta he wen do um, den I wen work mo hard den all da odda guys. But no was me—was God, you know, dat wen do all da good tings fo me, an he stay work inside me still yet.

Nehemiah 7:2

I put my braddah Hanani in charge a Jerusalem town, him an Hananiah dat was da officer ova da army guys inside da strong wall. I know I can trus Hananiah, an he get awesome respeck fo God, mo den plenny odda guys.

Nehemiah 5:16

I hang in dea fo do da work fo fix dis wall. I neva buy land, an all my worka guys stick togedda fo do da work.

Local Leadas 9:48

So Abimelek an all his army guys go up Mount Zalmon. He take one ax, an cut off some tree branches. He put da branches on top his shoulda, an tell his guys, “Quick! Do wat I wen do!”

Local Leadas 5:11

Tink bout wat da guys tell, dat share da watta Wen dey stay nea da watta places. Dey tell how Da One In Charge erytime do wass right, An how da peopo from da small towns Israel side do wass right. “Den da peopo dat stay tight wit Da One In Charge Go down by da gates fo da big town. Dey tell:

Nehemiah 4:22

I tell da peopo dat time too, “All da guys an da ones dat work fo dem, dey gotta stay nite time inside Jerusalem, fo dem help guard nite time, an day time dey work.”

Nehemiah 5:1

Dat time, plenny peopo an dea wifes stay squawk bout how da odda Jew ohana guys make to dem.

Joel 2:8

Dey no push each odda. All a dem march strait in front. Dey broke thru da walls. No mo notting can make um stop.