Nehemiah 4:17 - Hawaii Pidgin Bible

¹⁷ Da guys building da wall, an da guys bringing dem stuff, dey do dea work so all dem get one hand fo do da work, an in da odda hand he get someting fo fight wit.

Nehemiah 4:17 Referans Kwoze

2 Timoty 4:7

Jalike one runna guy, I wen run good an pau da race. I wen hang in dea fo do eryting Jesus, Da One In Charge, wen trus me fo do.

2 Timoty 2:3

You gotta suffa any kine bad kine stuff, jalike all us guys. Cuz you jalike one army guy fo Jesus Christ too, an you fo real kine like do one good job lidat.

2 Corint 6:7

We tell da trut an we no bulai. God give us guys da powa fo do all da right kine stuff. Dass jalike we army guys, an oua boss give us eryting we need fo fight da bad guy an fo no let him wipe us out.

Philippi 1:28

No sked da peopo dat hate you. Wen dey see dat you guys no sked, dat goin show dem dat dey da guys dat goin come wipe out, not you guys. An dey goin know dat God da One dat goin get you outa dat.

1 Corint 16:13

Eh! Watch out! Stay solid an trus God! No sked! Stay strong!

1 Corint 16:9

Cuz az jalike God wen open one door ova hea fo me do plenny, no matta get plenny peopo dat like go agains me.

1 Corint 9:12

Get odda guys dat get da same right fo get food an stuff from you guys wen dey teach, aah? So, wat bout us guys? We get plenny mo rights den dem. But you know, us guys, we neva use da rights we get. Mo betta we hang in dea wit wateva you give us, fo no jam up you guys. Cuz den you like lissen da Good Kine Stuff Bout Christ dat we stay tell you guys.

Daniel 9:25

“Know dis an tink plenny bout um: From da time da message come fo go build Jerusalem town one mo time, till one guy come dat God goin pick fo lead da peopo. Dat goin be seven times seven year, an den sixty-two times seven year. Dey goin build Jerusalem town wit open spaces inside an one real strong wall, no matta goin get big trouble dat time.

Nehemiah 4:13

Az why I put peopo, one ohana fo ery place, behind da low places wea da wall no stay fix yet, wit swords an spears an bows an arrows.

Nehemiah 4:16

From dat time, half my young guys do da construction work, an da odda half make ready da spears, an da shields, da bows an arrows, an da metal plate kine body armor. Da leada guys stay right dea behind da Judah peopo.

Nehemiah 4:18

Ery builda guy get one sword he tie aroun him. Da guy dat blow da sheep horn trumpet, he stay by me.

Songs 149:6

Da peopo dat stay tight wit God, Dey stay tell good tings bout him. An carry one sharp sword,

Love Song 3:8

All dose guys get swords. Dey all know how fo fight one war. Dey get dea swords by dea side. Dey stay ready if get skery kine stuff happen nite time.

Joel 2:8

Dey no push each odda. All a dem march strait in front. Dey broke thru da walls. No mo notting can make um stop.