Nehemiah 4:14 - Hawaii Pidgin Bible

¹⁴ Afta I check how dey all stay, den I stan up in front da alii guys, da main leada guys, an all da odda guys. I tell um, “No sked dose Sanballat peopo! Tink plenny bout da Boss. He awesome, an good you sked a him. So den, fight fo help yoa braddah guys, an yoa boys an girls, yoa wifes, an yoa houses!”

Nehemiah 4:14 Referans Kwoze

2 Samuel 10:12

Good we come strong! Good we use oua powa fo help oua peopo, an fo keep da towns oua God wen give us! Da One In Charge goin do wateva stay good, da way he see um.”

Census 14:9

But eh! No go agains Da One In Charge! An no sked da peopo inside da land, you guys! Cuz us guys goin win ova dem. Da One In Charge take away da shadow dat proteck dem awready, but he stay wit us guys. No sked dem!”

Hebrews 13:6

Az why us guys can come strong, jalike da Bible tell: “Da One In Charge, he da One dat help me wen I need him. Az why I no goin come sked. Da peopo, dey no can do notting fo hurt me!”

Matthew 10:28

No sked da guys dat can make yoa body mahke, but no can make yoa spirit mahke. But you guys betta come sked a God. He can make yoa body an yoa spirit get cut off from God foeva inside Hell.

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Songs 65:5

Wen we yell to you fo help us guys, You stay do real awesome an unreal tings Cuz you da God Dat stay get us outa trouble. Even da peopo dat live Da odda side a da world An inside da far oceans, Dey stay trus you.

Songs 20:7

Some peopos trus da real plenny war wagons dey get, Odda guys, dey trus all da horse dey get fo win da war. But fo us guys, da One us call fo help us, az Da One In Charge, Cuz we know wat kine god him.

Nehemiah 1:5

Dis wat I tell: “You Da One In Charge, you da God dat live inside da sky! You da big an awesome God. You wen make one deal fo da peopo dat get love an aloha fo you, da ones dat stay do wat you tell um fo do. An you stay tight wit yoa peopo cuz you wen make dat deal wit dem.

2 Records 32:7

“Come strong an no lose fight! No sked o lose fight cuz a da Assyria king an da big army he bring wit him! Cuz da One dat stay wit us guys, get mo plenny powa den wat da Assyria king get wit him, you know!

Joshua 1:9

I neva tell you awready? You gotta come real strong an no lose fight fo shua! No sked notting, an no come bum out! Cuz me, yoa God, Da One In Charge, I goin stay wit you wea eva you go.”

Rules Secon Time 10:17

Cuz oua God, dass Da One In Charge a us, he da real God mo den all da odda gods, an he da real Boss mo importan den all da odda bosses. He da big an strong God, an you betta be sked a him. He no make to one guy mo betta den da odda guy, an you no can pay him fo make him do spesho stuff fo peopo.

Rules Secon Time 1:21

Look! Right dea, dass da land dat God, Da One In Charge, stay give you guys awready! Go take um ova, jalike Da One In Charge, da God oua ancesta guys wen pray to, tell you guys fo do. No sked. No lose fight.’

Songs 143:5

I no foget how was, Long time befo time. I tink plenny Bout all da tings you stay do, An da tings you wen do befo time.

Songs 66:5

Go come ova hea! Look, da tings God do! Skery, da kine stuff he do!

Songs 46:11

Da One In Charge, Da God Ova All Da Armies, He stay right hea wit us guys! He da God Dat oua ancesta guy Jacob Wen pray to. He da One dat make shua Nobody attack us guys! (Time out fo da music.)

Songs 27:1

Da One In Charge, he help me, An he get me outa trouble, Jalike he da light fo me. No need fo me stay sked nobody! Da One In Charge, he goin make shua nobody kill me, Jalike he one strong wall fo me, I no need come sked an shaking.

Job 37:22

Same ting, wen God come from da north side, Shining jalike gold, God come, an he one awesome king!

Teacha 12:1

So all da time you stay young, No foget da One dat wen make you— Tink bout him befo da time come Wen you come ol an get trouble, An befo da time you figga, “No mo notting make me feel good inside no moa!”

Outa Egypt 14:14

Da One In Charge, he da One goin fight fo help you guys. You guys, jus shut up an watch!”

Outa Egypt 14:25

God make da wheels fo dea war wagons come off fo no move how dey like. Da Egypt guys, dey figga, “Mo betta us guys get away from dose Israel guys, cuz dass dea god, Da One In Charge, stay fight fo dem, an agains us Egypt guys!”

Local Leadas 3:27

Wen he come dea, he blow one sheep horn trumpet up country Efraim side. Da Israel peopo go down wit him from da hills, an Ehud lead dem.

Daniel 11:32

Da Syria king goin make nice to da peopo dat awready wen go agains God. Dey wen broke da deal awready fo come God side. But da peopo dat know God fo real kine goin come strong an hang in dea, an dey goin fight.

Zekariah 14:3

Den Da One In Charge goin go out fight dose peopos jalike he wen fight befo time.