Nehemiah 10:34 - Hawaii Pidgin Bible

³⁴ “We wen pull name fo pick wen da pries guys goin work, an da Levi ohana guys too, an fo pick wat time ery year da regula ohanas goin go bring wood fo burn on top da altar fo make sacrifice to oua God, Da One In Charge, jalike how stay write inside da Rules.

Nehemiah 10:34 Referans Kwoze

Nehemiah 13:31

I make shua dat da peopo bring da pries guys wood fo burn da sacrifices, wen dey suppose to make one sacrifice. I make shua dey get da bestes stuff dat da peopo harves from wat dey wen plant. Eh my God! No foget me! Do good tings fo me.

Isaiah 40:16

All da trees on top da Lebanon mountains Not enuff fo make one fire on top one altar. An all da animals dat live ova dea, Dey not enuff fo make da kine sacrifice Dat you burn up.

Smart Guys 18:18

Wen peopo make argue, Pull straw fo make um stop. Even if dey get plenny powa, Dey no goin come togedda fo fight.

Nehemiah 11:1

Da leada guys fo da peopo live inside Jerusalem town. So all da odda peopo wen pull name fo pick one small ohana from ery ten ohanas. Da ones dey pick, gotta move house fo live inside Jerusalem, da town dat stay spesho fo God. Da odda nine ohanas stay inside da towns wea dey stay.

1 Records 24:7

Da firs time dey pull straw dey pick Jehoiarib, numba two Jedaiah,

1 Records 24:5

Dey pull straw fo split um. Az how dey no make um mo betta fo da Eleazar blood line den fo da Itamar blood line. Cuz get leadas fo da Place Dat Stay Spesho Fo God, an leadas dat God wen pick inside da Eleazar blood lines an inside da Itamar blood lines.

Joshua 9:27

From dat time, he make da Gibeon peopo cut wood an carry watta fo da Israel peopo, an fo da altar fo make sacrifice fo Da One In Charge, at da place Da One In Charge pick. An dass wat dey do still yet till now.

Jesus Guys 1:26

Den dey pull straw an Mattias win, so he come togedda wit da eleven guys dat Jesus wen sen all ova.

Prieses 24:5

“Take da bestes kine wheat flour an bake twelve thick roun bread. Use four poun flour fo ery bread.

Prieses 24:6

Put dem in two stack, six on ery stack, on top da gold table, in front me, Da One In Charge.

Census 28:2

Tell da Israel peopo fo do dis: “Da time wen I tell you fo do um, make shua you give me da food fo da sacrifices you make wit fire dat stay spesho fo me. Az goin be one nice smell fo me, Da One In Charge.”

2 Records 2:3

Solomon sen dis message fo Hiram, da Tyre king: “Try sen me cedar kine wood, jalike you wen sen to my faddah David, da time you sen him da cedar wood fo build one palace fo him live inside.

Ezra 3:5

Afta dat, erytime get new moon, dey make da burn up kine sacrifices dey suppose to make dat time, too. An same ting fo da odda spesho religious ceremonies dat Da One In Charge befo time tell um dey suppose to make. Jus cuz dey like do someting spesho fo Da One In Charge, dey bring dea animals fo make odda kine sacrifices.