Nahum 2:9 - Hawaii Pidgin Bible

⁹ Rip off da silva! Rip off da gold! Nobody can count all da rich kine stuff! Fo shua dey stay rich inside Nineveh town!

Nahum 2:9 Referans Kwoze

Daniel 11:8

He goin take stuffs from dea gods an dea god statues dat dey melt metal fo make um, an dea nice tings, dea silva an gold stuffs, an take um Egypt side. Fo short time afta dat, he no goin bodda da king fo da north side.

Ezekiel 26:12

“Da Babylon guys goin rip off you guys nice kine stuffs, an all da stuffs you like sell. Dey goin bus up yoa walls an yoa fancy kine houses, dey goin dump da stones, da wood, an all da junks inside da ocean.

Jeremiah 51:56

Wen da army guys go attack Babylon town fo wipe um out, Dey goin make da Babylon army guys dea prisonas, An broke dea bows an arrows. Cuz fo shua, dass da kine God me, Da One In Charge. I goin pay dem back fo eryting dey wen do.

Jeremiah 25:34

“You bad leada guys, You suppose to take kea yoa peopo Jalike da sheep guys take kea dea sheeps. But you goin cry an yell. You guys dat get powa ova yoa sheeps, Roll aroun on top da dirt, Jalike fo one funeral! Now stay yoa time fo you get kill O get chase all ova da place! You guys goin fall down an come bus up Jalike you da kine clay pots dat cost plenny an easy fo broke.

Isaiah 33:4

Da Judah peopo goin grab All da stuffs dat you Assyria guys Wen rip off from odda peopo, Jalike wen da locust kine grasshoppa Come real quick an grab All da food from one field. Az how da peopo goin run All ova da place fo grab stuff, Jalike da locust kine grasshoppa inside da field.

2 Records 36:10

Spring time, King Nebukadnezzar sen guys fo take him Babylon town, wit da mos nice kine tings from da Temple Fo Da One In Charge. Den Nebukadnezzar make Koniah relative Zedekiah da king fo Judah an Jerusalem.

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Jesus Show 18:12

gold kine stuff, silva, jewel stones dat cost plenny, pearls, fancy linen kine cloth, purple cloth, silk cloth, red cloth, all kine fancy wood, an stuffs from ivory, wood, bronze, iron, an marble stone dat cost plenny,

Jesus Show 18:16

Dey goin tell, “Horraz! Horraz! Babylon, da big town! Look jalike one wahine wit fancy kine linen clotheses, Purple an red clotheses, An gold, jewel stones, an pearls all ova!

Jeremiah 46:5

“But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Nahum 3:17

Yoa guard guys, jalike grasshoppas. Yoa military guys, jalike plenny grasshoppas. Wen come cold dey sit on top da walls. But wen da sun come out, dey fly away. No mo nobody know wea dey go.