Nahum 2:3 - Hawaii Pidgin Bible

³ Da army guys dat goin go agains Nineveh, Dey carry red shields. Dey get dark red uniform. Da metal in dea war wagons shine Wen dey stay ready fo attack. Dey lif up dea spears an shake um.

Nahum 2:3 Referans Kwoze

Jesus Show 12:3

Den I see anodda awesome kine ting inside da sky. Get one big, red dragon. He get seven head an ten horn, wit seven small crown on top da seven head.

Jesus Show 6:4

Den anodda horse come out. Dat horse red jalike fire. Da guy dat sit on top um get da powa fo make da peopo all ova da world no stay good wit each odda, so dey fight an kill each odda. He get one mangus sword.

Zekariah 11:2

Cry loud, you cypress trees, Cuz da cedar trees wen fall down! Da tall an awesome trees stay all bus up. Cry loud, you oak trees inside Bashan, Cuz all da fores stay cut down!

Zekariah 6:2

Da firs war wagon get red horses. Da numba two war wagon get black horses.

Zekariah 1:8

Dis how was: Nite time, I see someting jalike one dream. I see in front me one angel on top one red horse. He stay stan inside one low place wea get some myrtle trees. In back a him stay odda angel guys on top red, brown, an white horses.

Isaiah 14:8

Even jalike da pine trees An da cedar trees on top da Lebanon mountain, Dey feel good inside cuz you king guys no mo powa. Da trees stay sing bout you lidis: “Now dat you no mo powa, Nobody come up hea fo chop us down.”

Job 39:23

Da arrow bag make noise by dea side, An da sun flash from da heavy spear an da spear fo throw.

Ezekiel 23:24

Da Babylon guys an all da odda guys goin come agains you wit da stuff dey use fo fight: war wagons, regula wagons, an plenny army guys. Dey goin surroun you fo fight you wit big an small shields, an wit helmets. I goin let dem take ova you fo dem punish you da way dea rules tell um fo punish you.

Ezekiel 26:7

“Cuz dis wat me, Da One In Charge, da Boss, tell: You know wat?! I goin bring King Nebukadnezzar from Babylon, da king ova all da odda kings. He goin come dea from da north side fo attack Tyre, wit horses, war wagons, guys on top horse, an one big army he put togedda.

Nahum 3:2

Can hear da horse whips crack. Da wagon wheels make noise. Da horse hoofs run fas. Da war wagons make kalangalang.

Songs 80:13

You let peopo rip into us guys, Jalike da wild pig from da fores Rip into da grape plants, An all da wild animals From da boonies eat up eryting.