Nahum 2:13 - Hawaii Pidgin Bible

¹³ Da One In Charge, Da God Ova All Da Armies, tell dis: “You know wat?! Me, I stay agains you Nineveh peopo. I goin burn up yoa war wagons in smoke! Odda armies goin wipe out yoa young guys wit swords, No matta dey skery jalike lions! I no goin let you guys kill notting fo eat no moa! No mo nobody goin lissen yoa messenja guys one mo time!”

Nahum 2:13 Referans Kwoze

Nahum 3:5

Da One In Charge, Da God Ova All Da Armies, tell da Nineveh peopo dis: “Look! I stay agains you! I goin strip you naked. I goin show da peopos an dea kings Yoa shame cuz you naked.

Jeremiah 21:13

Me, I stay agains you peopo Dat live Jerusalem, on top da level place up da valley, Jalike one big rock dat no can move. You guys talk big, “Eh, no mo nobody can come attack us! No mo nobody can come inside da place wea we stay hide!” Dass wat me, Da One In Charge, tell.

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

2 Kings 19:23

You wen sen yoa messenja guys hea Fo talk bad bout me, da Boss. An you, Sennakerib, you wen tink lidis: “Me, Sennakerib, I ride inside my war wagon An bring all my war wagons wit me On top da mountains, All da high mountains inside Lebanon! An I wen cut down da tall cedar trees, An da bestes pine trees! An I go make camp In da far place wea get da bestes kine trees.

Nahum 3:1

Bummahs! Fo da big town wea dey kill plenny peopo. Da town wea all dea peopo bulai plenny! Dey rip off odda peopo an stash dea stuffs! Dey erytime bus up plenny peopo!

Ezekiel 5:8

“Az why Da One In Charge, da Boss, tell dis: Me, I da One dat stay agains you Jerusalem peopo! I goin punish you guys right dea wea you guys stay. An da odda peopos goin watch.

2 Kings 19:9

Den, da Assyria king Sennakerib hear dat Tirhakah, da king from Sudan, stay bring his Egypt army guys fo fight da Assyria king. So Sennakerib sen messenja guys by Hezekiah one mo time. He tell um:

Joshua 11:9

Joshua make to dem jalike Da One In Charge tell um fo do. He cut dea horses back legs fo dem no run, an burn up dea war wagons.

Nahum 3:12

All yoa strong wall jalike fig trees Dat get dea firs ripe fruit. Wen somebody shake um, Da figs fall down an peopo eat um. Dass how yoa strong wall goin fall down.

Ezekiel 39:1

“Eh! Fo Real Kine Guy! Go talk fo me agains Gog. Tell dis: Dis wat Da One In Charge, da Boss, tell: Eh Gog! I stay agains you. You da main leada guy fo da Meshek an Tubal lands.

Ezekiel 38:3

An dis my message fo you tell: You Gog, da main leada guy fo da Meshek an Tubal land an dis me, Da One In Charge, da Boss. I stay agains you!

Ezekiel 35:3

Tell um: ‘Dis wat Da One In Charge, da Boss, tell: I stay agains you Seir Range guys. I goin wase yoa land fo show my powa agains you guys fo erybody come sked go dea.

Ezekiel 29:10

az why I stay agains you, an agains yoa Nile Riva channels, an I goin bus up da Egypt land. I goin wase da land from Migdol north side to Aswan south side all da way to da edge a da Sudan land.

Ezekiel 29:3

Give dem dis message: Dis wat Da One In Charge, da Boss, tell: Eh Pharaoh! King a Egypt! Me, I stay agains you! You jalike one riva monsta dat live inside yoa Nile Riva channels. Cuz you tell, ‘Da Nile Riva mines! I wen make um fo me!’

Ezekiel 28:22

an tell: ‘Dis wat Da One In Charge, da Boss, tell: “ ‘I stay agains you guys, you Sidon peopo. Wat I goin do to all you guys Goin show erybody how awesome I stay. I goin punish you guys, Az how erybody goin know dat I stay good an spesho. Den you guys goin know dass me Da One In Charge, da Boss, Dat do all dat to you guys.

Ezekiel 26:3

Az why me, Da One In Charge, da Boss, tell dis: “You Tyre peopo, I stay agains you guys. I goin bring plenny odda peopos agains you guys, jalike da big waves from da ocean poun you guys ova an ova.

Jeremiah 51:25

Da One In Charge tell: “I da One stay agains you Babylon guys, You jalike one volcano dat wipe out da whole earth. I goin use my powa agains you, An roll you off da cliffs. I goin make you jalike one mountain dat stay all burn up.

Jeremiah 50:31

Dis wat Da One In Charge, da God Ova All Da Armies, tell: “Eh! You get big head. An me, I stay agains you. Da time stay come fo me punish you now.

2 Records 32:19

Da Assyria guys talk bout da Jerusalem God jalike dey talk bout da gods fo da peopos inside odda countries—no matta dose gods, dey tings dat peopo make.

2 Kings 18:19

Da territorial govna guy tell Hezekiah guys, “Go tell Hezekiah dis: “ ‘Da Big King, da King fo Assyria, tell dis: You get big kine trus in someting you tink goin get you outa trouble. You tink dat goin help you, o wat?! No way!

2 Kings 18:17

Den da Assyria king sen one a da main general guys, da govmen guy dat stay ova da territorial govna guys, an da territorial govna guy, wit one big army. Dey go from Lakish an go by King Hezekiah in Jerusalem. Wen dey come Jerusalem town, dey stop by da watta ditch dat take da watta to da Mauka Watta Place, by da road fo da field wea dey put da clotheses inside da watta an step um fo make um come clean.

Joshua 11:6

Da One In Charge tell Joshua, “No sked fo face dem. Cuz dis same time tomorra, I goin make all dem fall down mahke in front you Israel guys. You goin cut dea horses back legs fo dem no run, an burn up dea war wagons.”

Jeremiah 46:14

“Tell dis inside da Egypt towns! Make shua erybody hear um inside Migdol, Inside Memphis, an Tahpanhes: ‘Line up, an make ready fo fight! Cuz da war stay wipe out da peopo all aroun you!’

Ezekiel 13:8

“Az why dis wat me, da Boss, Da One In Charge, tell: Cuz you guys tell fake kine stuff an bulai bout da dreams, I stay agains you guys.

Ezekiel 21:3

Tell da peopo dat live inside da Israel land: ‘Dis wat Da One In Charge tell: I stay agains you guys. I goin take my sword outa da sword bag, an cut off da peopo dat do da right kine stuff, an da peopo dat do da bad kine stuff too.

Nahum 2:12

Da strong lion wen kill enuff food fo da bebes, An enuff fo da muddah lions. Dey fill up dea cave wit da animals dey wen kill. Az jalike how da Nineveh peopo wen stay.

Nahum 3:15

Ova dea da fire goin burn you guys up. Da army guys swords goin cut you guys down. All you guys goin mahke, jalike how da young grasshoppas eat up eryting. No matta you guys stay plenny jalike da grasshoppas.