Micah 7:15 - Hawaii Pidgin Bible

¹⁵ Den Da One In Charge tell: “I goin show you guys awesome kine stuff I goin do, Jalike da time you guys wen come outa Egypt.

Micah 7:15 Referans Kwoze

Outa Egypt 3:20

Az why I goin wack da Egypt peopo wit my strong hand. I goin do all kine awesome stuff to da Egypt peopo, right dea wea dey stay. Afta dat, da king guy goin make you guys go way.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Isaiah 11:16

Goin get one big wide easy road Fo God peopo dat still yet stay alive, An dat neva mahke inside Assyria, Jalike da time da Israel peopo come outa Egypt.

Songs 68:22

My Boss tell dis: “I goin bring back da guys Dat stay agains me from Bashan, An from da bottom a da ocean.

Outa Egypt 34:10

Den Da One In Charge tell: “Right hea an now, I make one deal wit all yoa Israel peopo. In front all yoa peopo, I goin do awesome tings dat nobody wen do befo time eva, not any place inside da world, not wit any odda peopo. All da peopo dat stay wit you now, dey goin see how awesome an unreal da tings I goin do fo you guys, cuz me Da One In Charge.

Isaiah 51:10

You da One wen make da ocean dry up, No matta stay deep, an get plenny watta. Was you wen make one road Inside all da deep place, Fo yoa peopo go ova da odda side Afta you get da ones outa Egypt dat you wen free up.