Micah 5:9 - Hawaii Pidgin Bible

⁹ You guys goin come strong enuff Fo win ova da peopo dat stay agains you. All dose guys goin come wipe out.

Micah 5:9 Referans Kwoze

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Songs 21:8

Dass how you goin handle All da peopo dat stay agains you. Wit yoa strong right hand, You goin catch da ones dat stay hate you.

Isaiah 11:14

Togedda dey goin rush da Filisha peopo on da west side, All da way to da sea, An steal stuff from peopo on da east side. Dey goin take ova da Edom peopo an da Moab peopo An da Ammon peopo gotta do wat dey tell um fo do.

Songs 10:12

Eh! You Da One In Charge! Go fo broke! Eh God! Bus um up dem bad guys! No foget da peopo dat stay suffa!

1 Corint 15:25

Christ gotta stay da King, you know, till God bus up all da peopo dat go agains Christ fo show dat Christ da winna ova dem.

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 33:10

But Da One In Charge, he tell, “Now, I goin stan up an start fo do tings! Now I goin show peopo how big me! An peopo goin know dat I importan!

Isaiah 1:25

I goin go agains you Jerusalem guys too, Jalike I goin put you inside da fire Fo take out all yoa junk kine stuff from inside you.

Songs 106:26

Den God put up his hand An make one strong promise Dat he goin make dem all Fall down an mahke, Ova dea inside da boonies.

Haggai 2:22

I goin throw out kings an dea thrones, an wipe out da powa dat da kings from da odda lands get. I goin wipe out da war wagons an da guys dat ride um. Da horses goin fall down an da guys dat ride um goin kill each odda.

Zekariah 9:10

He goin take away da war wagons from da Efraim peopo, An da war horses from Jerusalem. He goin broke da bow dey use fo fight. He goin tell da peopos dey gotta come good wit each odda. He goin be da leada from one sea to da odda sea, An from da Eufrates riva to da end a da world.