Matthew 9:29 - Hawaii Pidgin Bible

²⁹ Den he touch dea eyes an tell, “Da way you guys trus me, dass how goin be.”

Matthew 9:29 Referans Kwoze

Matthew 15:28

Jesus tell her, “Eh, sistah! You trus me fo real kine, aah! Da way you like um, dass how goin be.” An right den an dea, her girl come good.

Mark 10:52

Jesus tell um, “Hele on! You wen trus me, dass why you come good awready.” Right den an dea he see, an he go wit Jesus on da road.

Matthew 9:22

Jesus turn aroun, an spock her behind him, an he tell, “Sistah, come strong! You trus me, dass why you come good awready.” An right den an dea she come good.

Matthew 8:13

Den Jesus tell da captain, “Go. Jalike how you stay trus me, dass how goin be fo you now.” Dat same time, da worka guy come good.

Matthew 20:34

Jesus feel real pity fo dem, an he touch dea eyes. Right den an dea, dey see, an dey go wit him.

Matthew 9:28

Wen Jesus go inside his house, da blind guys go inside dea too. Jesus tell um, “Fo real kine, you guys trus me, az why I goin make you guys see?” Dey tell him, “Yeah, Boss.”