Matthew 6:6 - Hawaii Pidgin Bible

⁶ But you guys, wen you pray, go inside yoa room an close da door. Den pray to yoa Faddah. He stay inside da room wit you, wea da odda guys no can see, an he goin give you plenny fo dat. Cuz yoa Faddah can see wat da odda guys no can see.

Matthew 6:6 Referans Kwoze

2 Kings 4:33

Elisha go inside, shut da door so jus him an da mahke boy dea, an pray to Da One In Charge.

Matthew 14:23

Afta he tell um fo go, he go up on top da mountain fo pray. Wen come dark, no mo nobody stay by him ova dea.

Isaiah 65:24

Befo dey yell fo help, I help um. Wen dey still stay talking, I hear dem awready.

Jesus Guys 9:40

Peter tell um all fo go outside. Den he go down on his knees an pray. He turn aroun by da mahke wahine, an tell, “Eh Tabita! Stan up!” She open her eyes, spock Peter, an sit up.

Isaiah 26:20

My peopo, go inside yoa room An shut da door. Hide inside dea fo litto bit Till Da One In Charge pau come huhu.

Songs 34:15

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

Matthew 6:18

Az how, wen da peopo see you, dey no goin know you no eat so you can pray. Yoa Faddah see wat da odda guys no can see, an he goin give you plenny fo dat.

Jesus Guys 10:9

Da nex day, noon time, dey come nea Joppa. Dat time Peter go up on top da flat roof fo pray.

Matthew 6:4

Den nobody goin know dat you give money. But yoa Faddah, he can see wat da odda guys no can see, an he goin give you plenny fo dat.

Efesus 3:14

All dat stuff I stay tell you guys, az why I go down on top my knees an pray to da Faddah.

Rome 8:5

Da peopo dat ack da way dea body like dem fo ack, dey ack lidat cuz dass how dey stay inside. Dey ony tink bout how dey like live all da time. But da peopo dat ack da way God Spirit like dem fo ack, dey ony tink bout how fo ack da way God Spirit like dem fo ack.

Jesus Guys 10:30

Cornelius tell, “Three day ago, I stay pray inside my house, same time like now, three clock in da aftanoon. An right den an dea one guy in shiny kine clotheses stan in front me.

John 1:48

Natanael tell, “How come you know who me?” Jesus tell, “I wen see you da time you was undaneat da fig tree, befo Philip tell you fo come.”

John 20:17

Jesus tell, “No touch me, cuz I no go up by my Faddah yet. But go by my braddahs an sistahs an tell um, I goin go up dea by my Faddah an yoa Faddah, an by my God an yoa God.”

Smart Guys 25:22

If you do dat, Da guy goin tink diffren bout you, an feel shame, Jalike you give him hot charcoal fo him take home cuz fire pio. An Da One In Charge, he goin do good stuff fo you.