Matthew 4:6 - Hawaii Pidgin Bible

⁶ Da Devil tell, “So, wat? You God Boy fo real kine? Kay den, go jump down dea, cuz da Bible tell, “ ‘God goin tell his angel messenja guys fo take kea you.’ “Da Bible tell dis too: “ ‘Dey goin pick you up an carry you in dea hands, Fo yoa feets no get bus up on da rocks.’ ”

Matthew 4:6 Referans Kwoze

Hebrews 1:14

All da angel guys, dey da good spirits dat work fo God. He sen um all ova fo help da peopo come outa da bad kine stuff dey stay do cuz dose peopo his kids.

Songs 34:7

You know wat? Da One In Charge, He sen his angel guy Fo stay all aroun da peopo Dat stay sked a him An get respeck fo him. Da angel guy get um outa trouble!

2 Corint 11:14

But az not one big deal. Cuz Satan, he go try ack jalike he one good angel messenja guy fo God.

Songs 34:20

Da One In Charge goin take kea dem, No mo even one bone goin broke.

Matthew 4:4

But Jesus tell, “Da Bible tell, “ ‘No mo nobody dat can live ony wit food, Gotta lissen eryting God tell, Fo live fo real kine.’ ”

Job 5:23

Cuz you goin get one deal wit da stones inside da field. Da wild animals goin stay good wit you.

Job 1:10

You da one wen put jalike one fence all aroun him an his ohana, an aroun eryting he get. You stay make eryting he do come good, fo his sheeps an cows go all ova da land.