Matthew 28:9 - Hawaii Pidgin Bible

⁹ Right den an dea Jesus meet dem an tell, “Aloha!” Dey go by him an touch his feet fo show him plenny love an respeck.

Matthew 28:9 Referans Kwoze

Matthew 28:17

Wen dey see him ova dea, dey go down an show um plenny love an respeck. But still had guys dat not shua yet.

Matthew 14:33

Den da guys inside da boat go down in front him, an tell, “Wow! Fo real, you God Boy!”

John 20:28

Thomas tell Jesus, “You, you Da One In Charge a me! You my God!”

Luke 24:52

Dey all go down on dea knees fo show Jesus love an respeck. Den dey go back Jerusalem. An dey stay real good inside.

John 12:3

Den Mary take one pint da kine perfume dey make from da nard plant dat cost plenny, pour um on top Jesus feets, an den wipe um wit her hair. Cuz a dat, smell real good all ova inside da house.

Luke 7:38

She stan behind Jesus by his feets. She stay cry, an her tears make his feets wet. Den she wipe his feets wit her hair, kiss um, an pour da perfume on top dem.

Jesus Show 3:9

Get peopo dat come togedda inside one church, an tell dey God peopo. But fo real, dey Satan peopo. Dey ony bulai. I goin make dem come an go down in front you guys feet. An dey goin find out dat I get love an aloha fo you guys.

2 Corint 13:11

Aloha, my braddahs an sistahs. Do eryting right. Lissen wat I tell. Tink da same way wit each odda. Be good to each odda. God get plenny love an aloha fo you guys. He goin stay wit you guys all da time an help you guys stay good wit each odda.

John 20:19

Was da same day Sunday, da firs day a da week, an da sun go down awready. Jesus guys stay togedda an da doors lock, cuz dey sked a da Jews. Den Jesus show up in da middo a dem. He tell um, “Aloha! I like you guys stay so notting bodda you!”

Luke 1:28

Da angel guy come by her an tell, “Aloha! Da One In Charge goin do someting spesho fo you. He stay wit you.”

Isaiah 64:5

You come fo help da peopo dat do da right ting An stay good inside cuz a dat, An no foget how you make. But fo shua, wen us still do bad kine stuff, You wen stay huhu! Az why us gotta live how you like us live An live lidat foeva! Dass da ony way us goin get outa trouble!

Matthew 23:7

Dey like da peopo fo talk to dem wit respeck inside da open market, an fo call um ‘Teacha.’

Matthew 28:8

Da wahines, dey run from da tomb fo tell Jesus guys. Dey real sked, but same time dey feel real good inside.

Matthew 28:10

An Jesus tell um, “Eh, no sked! Go tell my braddah guys fo go Galilee side. Dass da place wea dey goin see me.”