Matthew 27:12 - Hawaii Pidgin Bible

¹² Da Main Pries guys an da older leadas all poin finga Jesus. But he still no tell notting.

Matthew 27:12 Referans Kwoze

Matthew 26:63

But Jesus still no talk. So da Main Pries Guy tell him, “Eh, you! You gotta swea to God bout dis. Tell us in front da God dat stay alive fo real kine! Tell us, if you da Christ Guy dat God suppose to sen. You God Boy, o wat?”

Isaiah 53:7

Da guy dat work fo Da One In Charge, Da peopo give him hard time. Dey make him suffa, But he no tell notting. Dey take him out jalike one sheep Fo kill him. But jalike da sheeps Wen dey cut off all da wool, dey no make noise, He no tell notting too.

1 Peter 2:23

Wen dey tell any kine to him, he neva ansa back. Wen he suffa, he neva tell he goin pay um back. But he let God da Judge take kea all dat cuz he know God do da right ting.

Jesus Guys 8:32

Da place inside da Bible wea he read tell, “Dey take him away Jalike dey take one sheep away fo kill um. He jalike one bebe sheep Dat no make noise Wen dey stay cut off his wool. He neva tell notting.

Matthew 27:14

Still yet Jesus no tell notting. An cuz he no tell notting, dat blow Pilate mind.

Matthew 27:13

Pilate tell him, “You neva hear all dat stuff dey stay tell bout you, o wat?”

Luke 23:9

Herod go aks Jesus plenny stuff, but Jesus neva say notting.