Matthew 26:25 - Hawaii Pidgin Bible

²⁵ Judas, da guy dat goin set him up, he tell, “Eh Teacha! Fo shua, dass not me, aah?” Jesus tell him, “You da guy.”

Matthew 26:25 Referans Kwoze

Matthew 26:64

Den Jesus tell um, “You da guy wen jus tell dat. I tell you guys dis too, bumbye you guys goin see me one mo time. I goin stay sit down on top da spesho place nex to Da God Dat Get All Da Powa, right dea on his right side. An I goin come back on top da clouds. Dass wen you goin see me one mo time. I da Fo Real Kine Guy.”

Matthew 27:11

Da same time, Jesus stay stan in front Pilate, da govna. Pilate aks him, “Eh, you da King fo da Jews, o wat?” Jesus tell him, “You da one tell dat.”

John 18:37

Pilate tell him, “So, you one king den?” Jesus tell him, “You tell I one king. Az why I wen born, an az why I wen come hea inside da world—fo me tell eryting dat I know bout da true stuff. Erybody dat stick wit da trut, dey lissen me.”

Luke 22:70

Dey all tell, “So you God Boy, o wat?” He tell dem, “Dass right, wat you guys tell.”

Matthew 26:49

So Judas go by Jesus an tell, “Aloha, Teacha!” an he kiss um.

Matthew 23:7

Dey like da peopo fo talk to dem wit respeck inside da open market, an fo call um ‘Teacha.’

Smart Guys 30:20

An I no undastan dis too: How one wahine can fool aroun behind her husban back, Den jus go bafe fo come clean, An she tink, “Eh, I neva do notting wrong!”

2 Kings 5:25

Den he go inside da house an stan in front his boss Elisha. Elisha aks, “Gehazi, wea you wen go?” Gehazi tell, “Me, yoa worka guy, I neva go no place.”

Matthew 23:8

“But you guys, no let da peopo call you guys ‘Teacha.’ You guys get ony one Teacha, da Spesho Guy God Wen Sen, az why. An you guys stay braddah braddah.

Matthew 26:14

Den Judas Iscariot, one a Jesus twelve guys, go talk to da Main Pries guys.

John 4:31

Same time Jesus guys stay beg him, “Teacha, come eat!”