Matthew 24:1 - Hawaii Pidgin Bible

¹ Jesus go outside from da open lanai fo da temple, an his guys come an tell, “Eh, Teacha, check out da buildings ova hea! Awesome, aah?”

Matthew 24:1 Referans Kwoze

Ezekiel 8:6

An God tell me, “Eh, Fo Real Kine Guy! You see wat dey do? Da Israel ohana peopo stay do supa pilau kine stuff. Dass why I like stay far from dis place dat suppose to be spesho fo me. But you goin see some tings dat even mo pilau!”

Matthew 23:39

I tell you guys, you no goin see me one mo time till you tell, ‘Dis guy come wit powa from Da One In Charge. We like God do plenny good tings fo him!’ ”

Jeremiah 6:8

You Jerusalem peopo betta lissen up right now! O I goin had it wit you guys. An I goin wipe you guys out Fo no mo nobody live inside yoa land.”

John 2:20

Da Jew guys tell him, “Ho! Had guys dat work fo forty six year fo make dis Temple! How you figga you goin make one new temple in three day?”

Matthew 21:23

Den Jesus go inside da open lanai fo da temple, an teach da peopo. Da Main Pries guys an da older leadas fo da peopo go by him. Dey tell um, “Wat right you get fo do dis kine stuff? Who tell you good fo you do um?”

Hosea 9:12

Even if you guys bring up kids, I goin take away all dem from you. Bummahs fo dem, wen I tell ‘Laytas’ to dem!

Jeremiah 51:61

He tell Seraiah, “Wen you reach Babylon town, make shua you read eryting inside dis book wit one loud voice.