Matthew 23:37 - Hawaii Pidgin Bible

³⁷ “Sad! You Jerusalem peopo! You guys stay kill da guys dat talk fo God, an throw stones fo kill da guys God sen by you guys. Plenny times I wen like bring you guys by me, jalike one muddah chicken bring togedda her bebe chickens unda her wings, but you guys no like come.

Matthew 23:37 Referans Kwoze

Ruth 2:12

“I like Da One In Charge do plenny good tings Fo pay you back good kine, Cuz a all da tings you wen do fo Naomi. He Da One In Charge, da God fo da Israel peopo. You wen come by him, An now he goin take kea you!”

Songs 91:4

He goin make shua notting go afta you Jalike da muddah bird Hide da small bird unda her wing. You can trus him! Dass why he stay jalike one shield O one wall fo proteck you.

Songs 17:8

Try take kea me, Jalike peopo take kea dea eye fo no get hurt! Try proteck me, Jalike da muddah bird put her wing ova da bebe bird!

Songs 36:7

Eh God! You get one big heart Fo help yoa peopo, An no can get notting betta den dis! Az why peopo can run by you An hide fo no get hurt, An you cova dem Jalike da muddah bird Hide dea bebe birds unda da wings.

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

Songs 63:7

Cuz you da One dat stay help me. Wen I know fo shua Dat you take kea me, Az jalike you put yoa wings ova me, Az why I can sing an dance.

Jeremiah 35:15

Plenny times, I tell all my worka guys dat talk fo me fo go by you guys. Dey tell you: All you guys, one by one, no do da bad kine stuff you guys stay do no moa. You gotta start fo do wass right. No follow da odda gods an work fo dem. Den fo shua you guys can come back fo live on top da land I wen give you guys an yoa ancesta guys. But you guys still no use yoa ears fo lissen me.

Matthew 23:30

Same time, you guys tell, ‘If we was dea wen oua ancesta guys was alive, we neva help dem kill da guys dat talk fo God.’

Matthew 22:3

Wen da time come, he sen his worka guys fo tell all da peopo he tell fo come, fo come awready. But his frenz neva like come.

Matthew 5:12

Dance an sing, cuz bumbye God goin get plenny good kine stuff fo give you guys from wea he stay inside da sky. Eh, jalike befo time, da guys God wen sen fo talk fo him long time befo time, had peopo dat make dem suffa too.”

Hosea 11:2

But no matta how plenny I wen call dem, Dey go da odda way, mo far away. Dey wen make sacrifice fo da Baal gods, An dey burn incense fo da idol kine gods.

Songs 57:1

Eh God! Do good tings fo me! Do good tings! Cuz wen I aks you fo take kea a me, Den, nobody can hurt me. I like you take kea me, Jalike da muddah bird Put da bebe birds unda her wing Fo nobody hurt dem. I goin stay by you fo nobody hurt me, Till all dis stuff pau, Dat can wipe me out Jalike one storm.

1 Tessalonika 2:15

I stay talking bout da guys dat wen kill Da One In Charge, Jesus. Befo time, dea ancesta guys wen kill da guys dat wen talk fo God too. An dey wen go afta us guys an give us guys one real hard time. Dem guys, dey no do notting dat make God stay good inside. Dey like go agains erybody!

Jeremiah 44:4

Ova an ova, I wen sen you guys all my worka guys dat talk fo me. Dey tell: “Nah, no go do dis kine pilau kine stuff I hate!”

Matthew 22:6

Had odda guys dat grab da worka guys, an dey make any kine to da worka guys, an dey even kill da worka guys.

Zekariah 1:4

No make jalike yoa ancesta guys! Da guys dat wen talk fo me befo time wen tell dem: ‘Dis wat Da One In Charge, Da God Ova All Da Armies, tell: “Turn aroun from da bad kine stuff you guys stay do.” But dey neva lissen me.’ Dass da message from Da One In Charge.”

Hosea 11:7

My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Jeremiah 26:23

Dey catch Uriah an bring um back from Egypt, an take him by King Jehoiakim. An Jehoiakim tell his guys fo kill Uriah wit dea swords. Den dey throw his body wea dey bury da regula peopo.

Jeremiah 6:8

You Jerusalem peopo betta lissen up right now! O I goin had it wit you guys. An I goin wipe you guys out Fo no mo nobody live inside yoa land.”

Jeremiah 4:14

Eh you Jerusalem peopo, throw out da bad kine stuff from inside you, Fo Da One In Charge get you guys outa trouble! How long you guys goin make plan Fo do wrong kine tings?!

Jeremiah 2:30

I wen punish you guys kids, but ony wase time! Dey no come sorry bumbye. You guys wen kill yoa guys dat talk fo me, Jalike you one hungry lion an wipe dem out.”

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Jesus Show 17:6

An I see, jalike one dream, dat da wahine feel high cuz she wen kill plenny peopo dat stay spesho fo God, an drink dea blood. Dass all da ones dat wen bleed an mahke cuz dey tell bout Jesus. Wen I spock da wahine, blow my mind.

Luke 15:28

“Da older braddah, he come real huhu. He no like go inside da house. So da faddah go outside an beg him fo come inside.

Isaiah 5:4

Tell me wat odda ting I gotta do Fo my grape field, dat I neva do befo time? I wen wait long time fo da good grapes come out. How come ony get real sour kine grapes come out?

Jeremiah 32:31

From da time da peopo build dis big town till now, da ones dat live inside hea make me come real huhu, cuz dey do stuff dat make me real mad. Az how come I goin throw dem out from in front me.

Jeremiah 36:26

Den da king tell Jerahmeel, one prince from da king ohana, Seraiah, Azriel boy, an Shelemiah, Abdeel boy, fo go arres Baruk da writa guy, an Jeremiah, da guy dat talk fo God. But Da One In Charge wen hide dem.

Hosea 7:13

“Bummahs fo dose guys Dat wen bag from me! Dey goin get wipe out, Cuz dey wen go fight agains me. I stay ready fo buy dem back, But dey bulai bout me.

Matthew 23:31

Wen you guys talk lidat, you guys show you jalike dem killa guys—an you guys da killa guys kids!