Matthew 19:10 - Hawaii Pidgin Bible

¹⁰ Jesus guys tell, “Eh, if dass how stay, mo betta no marry.”

Matthew 19:10 Referans Kwoze

1 Timoty 4:3

Da bulaia guys tell peopo dey no can marry, an no can eat dis kine food o dat kine food. But eh, you know, God wen make all kine food fo eat fo us guys dat trus him an know wass true, cuz we eat um an tell him “Mahalo plenny!” fo da food.

1 Corint 7:8

I like tell da peopo dat no stay married an da widows: Mo betta you no marry, jalike me awready.

Smart Guys 21:19

Mo betta you live ony you inside da boonies, Den live wit one wife dat grumble bout eryting An make you stay sad inside.

Smart Guys 21:9

Mo betta you live outside On top one corna a yoa flat roof, Den fo try live inside da house Wit one wife dat grumble bout eryting.

Smart Guys 18:22

If you find one wife, an she good fo you, Az jalike you get one nice present from Da One In Charge.

Start 2:18

Den God, Da One In Charge, tell, “No good no mo nobody fo stay wit da guy. I goin make somebody fo him, jalike him but diffren, dat goin kokua him.”

Matthew 19:9

An I tell you guys dis too: If one wahine neva fool aroun, an her husban still yet throw her out, an den he marry anodda wahine, da firs one still yet stay his wife. Da guy ony fool aroun da secon wahine.”

Matthew 19:11

But Jesus tell, “Erybody no can handle dis, ony da guys God help fo do um, dey can handle.