Matthew 15:18 - Hawaii Pidgin Bible

¹⁸ But wateva come outa da mout, come from inside. Dass wat make you pilau inside so you no can pray.

Matthew 15:18 Referans Kwoze

Smart Guys 15:28

Da peopo dat do da right ting erytime, Wen somebody tell dem someting, Dey tink firs fo long time Bout wat dey suppose to tell back. But da bad kine peopo, Dey ony motormout fas fo tell pilau kine stuff.

Matthew 12:34

You guys jalike one snake ohana! You guys no good. How you guys goin talk good wen you guys not good, aah? Wateva stay inside you guys, goin come outa you guys mout.

Matthew 15:11

Wat you guys put inside yoa mout no make you pilau inside so you no can pray, but wat come outa yoa mout, dass wat make you come pilau inside.”

Smart Guys 15:2

Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.

Smart Guys 10:32

Da peopo dat do da right tings, Dey know wat kine words good fo help peopo. But da peopo dat do bad kine stuff, Dey talk sly kine, dey ony know how fo bulai.

Smart Guys 6:12

Da good fo notting kine peopo, dat ony do bad kine stuff, Dey go all ova da place an bulai peopo.

Luke 19:22

Da boss tell, ‘Bummahs! I goin make jalike one judge. Wat you tell show you one bad worka! You know I one hard guy. I take wat not mines, an I harves da crop dat I neva plant.

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

1 Samuel 24:13

Jalike da smart peopo wen tell long time befo time, ‘From bad kine peopo come bad kine stuff!’ But I not one bad guy, an no way I goin do someting bad to you.

Smart Guys 4:23

Da ting is, you gotta fo real kine make shua An watch out how you tink. Cuz da way you tink, Dass how you goin live fo eryting you do.

Matthew 15:17

You guys no can figga dis: Wateva go inside da mout, go inside da stomach, an bumbye come out.

Mark 7:20

Den Jesus tell, “Da kine stuff dat come outa one guy, dass wat make him pilau inside fo him no pray.