Matthew 12:48 - Hawaii Pidgin Bible

⁴⁸ Jesus tell da guy, “Who you tink my muddah? Who you tink my braddahs?”

Matthew 12:48 Referans Kwoze

Matthew 10:37

“Whoeva get love fo his faddah o his muddah mo den he get love fo me, dass not good enuff fo him be my guy. An whoeva get love fo his boy o his girl mo den he get love fo me, dass not good enuff fo him be my guy.

Luke 2:52

An Jesus grow mo an mo fo know wat fo do erytime, an grow up mo an moa. An God an all da peopo tink good bout him.

Rules Secon Time 33:9

Dat time, da Levi guys neva make diffren kine Even to dea faddah an muddah guys. Dey neva even let go dea braddahs, O even dea kids. Cuz dey make shua fo do wat you tell, Da One In Charge, An dey watch ova da deal you wen make wit da peopo.

2 Corint 5:16

Az why from now, us no figga bout nobody da same way odda peopo figga. No matta befo time we wen figga bout Christ da same way odda peopo figga. Now, we no figga bout Christ dat way no moa.

Luke 2:49

He tell, “How come you wen look fo me? You neva know I gotta do my Faddah kuleana?”

Matthew 12:47

One guy tell um, “Eh, yoa muddah an yoa braddahs, dey stay outside, an dey like talk to you.”

Matthew 12:49

Den he poin to da guys he stay teach, an he tell, “Dese guys, dey my muddah an my braddahs.