Mark 6:37 - Hawaii Pidgin Bible

³⁷ But Jesus tell um, “Nah! Dey no need go. You guys, you give um someting fo eat.” Dey tell, “Us gotta work eight month fo make da money fo buy enuff bread fo feed all dese peopo! You like us guys go buy um?”

Mark 6:37 Referans Kwoze

Census 11:13

Wea I goin get da meat fo dem?! No mo no place wea I can get meat fo all dese peopo! Dey stay cry an tell me, ‘Give us guys meat fo eat!’

Luke 9:13

Jesus tell, “You guys, go give um someting fo eat.” Dey tell, “We ony get five bread an two fish. You like us go buy food fo all dis peopo, o wat?”

Matthew 14:16

But Jesus tell um, “Nah! Dey no need go way. You guys, you give um someting fo eat.”

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

Matthew 18:28

“Den dat same worka guy go outside, an spock anodda worka guy dat owe him ony litto bit money. He grab him by da neck, an tell him, ‘Eh! You owe me money! You betta pay me back!’

Mark 6:36

Go tell da peopo, ‘Go to da towns, an buy someting fo eat!’ ”

Mark 6:38

Jesus tell dem, “Go see how much bread you get.” Dey go, an come back, an tell, “Get five bread an two fish.”

Luke 7:41

“Had two guys dat owe some money to one guy dat lend money. One guy owe him five hundred piece silva, an da odda guy fifty piece silva.