Mark 13:17 - Hawaii Pidgin Bible

¹⁷ “Dat time goin get hard time fo da hapai wahines an da muddahs dat stay breas feed dea bebes!

Mark 13:17 Referans Kwoze

Luke 23:29

Cuz da time goin come wen you goin tell, ‘Lucky now, da wahines dat no mo kids, da wahines dat neva born kids, an da wahines dat neva breas feed kids!’

Sad Song 4:10

Even da wahines dat get love an pity Cook dea kids. Dey even eat dem, Wen my peopo come all bus up an wipe out.

Luke 21:23

Goin be hard time fo da hapai wahines an da muddahs dat stay breas feed dea bebes! Erybody in da land goin suffa plenny, cuz God had it wit da bad kine stuff da peopo wen do.

Hosea 13:16

Da Samaria peopo gotta get punish, Cuz dey wen go fight me dea God. Dey goin get kill wit swords. Odda peopos goin throw da Samaria small kids down Fo dem mahke on top da groun, An dose odda peopos, dey goin rip open da hapai wahines.”

Hosea 9:14

Da One In Charge, wat I goin tell you fo do fo dem? Make dem lose dea bebes! Make dea breases dry up!

Matthew 21:16

Dey tell Jesus, “Eh, you hear how dese kids stay talking? Dass not good!” But Jesus tell um, “Yeah, I hear um. Wassamatta you? You guys neva read wat da Bible tell? “ ‘Outa da mout a da bebes an da small kids, You let dem tell all da kine good stuff bout you.’ ”

Mark 13:16

If you stay inside da fields, no go home fo get yoa clotheses.

Mark 13:18

Go aks God fo no let dis stuff happen winta time.