Mark 12:14 - Hawaii Pidgin Bible

¹⁴ Dey come an tell, “Eh, Teacha, we know you fo real, no matta wat da peopo figga o who dem. An you tell da trut wen you teach God way. So, wat? Dass right fo pay King Cesar da tax money, o not?”

Mark 12:14 Referans Kwoze

1 Tessalonika 2:4

No way! But God wen check us guys out awready, an he know he can trus us guys fo tell da Good Kine Stuff from him. Dass how come us guys talk lidat bout da Good Kine Stuff From God. Us guys, we no stay try fo do wat all da peopo like. We ony stay try fo make God stay good inside! Cuz he da One stay tes us fo see how we stay.

Galatia 2:6

But da guys dat look jalike dey da importan leadas, dat no bodda me, cuz God no mo favoratism bout how peopo look. No mo notting dem guys wen add fo make wat I teach mo betta.

Galatia 1:10

You guys tink I stay trying fo tell wat da peopo like, o wat God like? O you guys tink I stay trying fo make me look good? No way! If I do wat odda peopo like me fo do an dat make me look good, den I no can be one worka fo Christ.

2 Corint 5:16

Az why from now, us no figga bout nobody da same way odda peopo figga. No matta befo time we wen figga bout Christ da same way odda peopo figga. Now, we no figga bout Christ dat way no moa.

2 Corint 5:11

Us get choke respeck fo God. Dass why we try fo help da peopo get da same kine respeck fo him. God know how we stay inside. I like you guys know how we stay inside too.

2 Corint 2:17

Us guys, we not like plenny odda peopo dat teach wat God tell, ony fo make money. No way! Az why wen us guys talk fo God, erybody see dat us fo real, an da stuff we tell come from God. Us do um fo God see us do um, cuz we stay tight wit Christ.

2 Corint 2:2

Cuz if I make you guys come all sad, den who goin make me feel good inside? Ony get you guys, da ones I goin make sad.

John 7:18

Da guy dat tell stuff dat come from his head, he ony like make peopo tink he awesome. But if one guy like peopo fo figga dat da one dat sen him stay awesome, dat guy stay tell da trut. He no bulai.

Rome 13:6

Same ting fo how you guys gotta pay tax too cuz da govmen guys work hard fo do one good job. Dass how dey work fo God.

Luke 23:2

Dey poin finga Jesus an tell, “Dis guy stay bulai oua peopo! He stay teach dem bad kine stuff. He tell dem no pay tax to King Cesar! He tell dat he da Christ Guy, da Spesho Guy God Wen Sen, an dat he one king.”

Luke 20:22

So, wat? We still gotta pay tax to Cesar, da king fo da Rome peopo, o wat?”

Mark 14:45

Real fas, Judas go by Jesus an tell, “Aloha, Teacha!” an kiss him.

Matthew 22:17

So, wat? da Rules From God tell, az right fo pay King Cesar da tax money, o wat?”

Micah 3:8

Den me Micah tell, “Fo shua, wit da spirit from Da One In Charge, I stay real strong, He help me figga wass right an wass wrong, An make me come strong Fo tell da Jacob an Israel peopo All da bad kine stuff dey stay do.

Jeremiah 42:20

Cuz you guys wen make how you tink come all hamajang, da time you guys come by me an tell me fo go by yoa God, Da One In Charge, an tell, ‘Pray fo us guys to oua God, dass Da One In Charge a us. Tell us eryting he tell you, an we goin do um!’

Songs 120:2

Eh! Da One In Charge! Get me outa trouble! Peopo come afta me Fo bulai me an scam me.

Songs 55:21

Da tings he wen tell soun nice, But inside, he ony like beef. He talk nice kine, But da tings he tell, Jalike one sword fo stab me.

Nehemiah 9:37

All da rich kine stuff dat come from dis land, Go to da king guys dat you put ova us guys, Cuz we wen do bad kine stuff. Dey stay in charge a us an oua animals Fo do wateva dey like do. Us guys presha out plenny Cuz a all dese troubles!”

2 Records 19:7

Dat mean, you guys betta be plenny sked a Da One In Charge. Take kea how you judge. Cuz oua God, dass Da One In Charge a us, he no judge da wrong way, he no make mo good fo one guy den fo anodda guy, an he no take unda da table kine money.”

2 Records 18:13

But Mikaiah tell, “I stay shua Da One In Charge stay alive! Az why I stay shua too, dat wat my God tell me, az da ony ting I can tell Ahab!”

Rules Secon Time 16:19

No judge da wrong way, an no make mo spesho fo some peopo. No take money from peopo fo you do tings fo dem. Cuz dat make da peopo dat know wat fo do erytime jalike dey no can see, an make da peopo dat do wass right erytime jalike dey donno notting.

2 Corint 4:1

Az why, cuz God give us guys chance, we get dis job fo tell peopo bout his New Deal. So we no give up.

Matthew 22:16

So den dey sen da guys dey stay teach fo go by him, an some King Herod guys too. Dey tell, “Eh, Teacha, we know you tell da trut, an you teach da true kine stuff bout wat God like erybody fo do, no matta wat da peopo tink o who dem.

Mark 12:13

Layta dey sen some Pharisee guys an some King Herod guys fo try trick Jesus cuz a wat he tell.

Mark 12:15

But Jesus know dey tell one ting an tink anodda, an he tell, “How come you guys like trick me? Show me da kine coin fo da tax fo me look at um.”