Malakai 3:14 - Hawaii Pidgin Bible

¹⁴ You guys tell, “Ony wase time, work fo God! Wat we goin get from dat?! Notting! Us guys do all da religious kine ceremonies fo God awready, an now, us stay make real sad face in front Da One In Charge, Da God Ova All Da Armies.

Malakai 3:14 Referans Kwoze

Isaiah 58:3

“Dey tell me, ‘Wase time, Us guys skip food fo us pray, An you neva see dat! Wase time! Us guys no make big head bout notting, An you neva know!’ Dass how dey talk. “But you know wat you guys do?! Weneva you guys skip food, You do um fo make ony you feel good! An same time, you guys make any kine to all yoa worka guys.

Zefaniah 1:12

Dat time I goin use small olive oil lamps Fo look all ova Jerusalem town, An punish da peopo dat no kea wat God tink. Dey jalike da wine dat jus sit wit da junk kine stuff inside. Dey figga, ‘Da One In Charge no goin do notting to us guys, Good o bad!’

Job 35:3

But you erytime aks God, ‘How dat goin help you, God? An wat good ting goin happen to me if I no do notting bad?’

Joel 2:12

Da One In Charge tell, “No matta I stay come awready, Go all out fo come back to me! No eat so you can pray. Cry, an stay sad inside.”

Job 34:9

Cuz Job tink, ‘Wase time, Fo try make God stay good inside bout one guy.’

James 4:9

Dat mean, you guys gotta come real sorry, an suffa inside, an cry hard. No laugh no moa, an start fo cry. No feel good inside, but come real sore inside long time.

Job 22:17

Dey da ones tell God, ‘No bodda us guys! Da God Dat Get Mo Powa Den All Da Odda Gods, He no can do notting to us!’

Isaiah 43:22

“You Jacob ohana peopo! No was me you guys wen aks fo help you. You Israel peopo! You guys neva bus ass an come tired Fo do stuff fo me.

Jeremiah 2:25

Same ting, you Israel peopo, No need run till yoa slippas broke, An yoa throat come dry. But you guys tell, ‘No try bring us back from how we stay! Us love da gods from da odda peopos! Us gotta stay tight wit dem!’

Jeremiah 18:12

But da peopo goin tell: ‘Laytas wit dat! All us guys goin do wat us like do! All us guys hard head an no mo one good heart, an we goin stay lidat!’ ”

Hosea 7:16

Dey no turn to me, Da God Dass Mo Importan Den All Da Odda Gods. Dey jalike one bow dat you no can trus fo shoot strait, Dey good fo notting. Dea leadas goin mahke in da war. Cuz dey tell how dey stay piss off wit me. Cuz a dat, erybody inside Egypt Goin make fun a dem.”

Malakai 3:13

Da One In Charge tell, “You guys, you talk bad about me!” But you guys tell, “Wot, us guys talk bad about you?! No way!”

Jeremiah 44:18

But you know wat?! Wen we stop burn incense fo da Queen Inside Da Sky, an pour out da drink offering fo her, us no mo notting, an mo an mo peopo mahke cuz a da war an cuz no mo food!”