Luke 8:25 - Hawaii Pidgin Bible

²⁵ He tell his guys, “How come you guys no trus me?” Dey come real sked, cuz wat dey see blow dea mind. Dey tell each odda, “Eh, who dis guy? Even da wind an da waves do wat he tell um fo do!”

Luke 8:25 Referans Kwoze

Matthew 8:26

But he tell, “How come you guys sked? You guys ony trus me litto bit, o wat?!” Den he get up. He scold all da winds an da waves. Den eryting come calm.

Smart Guys 30:4

You know, no mo nobody but God Can go up inside da sky, Den come back down hea. No mo nobody Can hold da wind inside his two hand Fo make um blow o no blow. No mo nobody Can wrap his coat aroun da ocean fo carry um. No mo nobody Can make da whole world, even da mos far places. If you know somebody dat can do all dat, Let me know who him an wat his name! Let me know who his boy an wat his boy name!

Matthew 14:31

Right den an dea Jesus put out his hand an grab him, an tell, “How come you trus me ony litto bit? How come you tink you no can do um?”

John 11:40

Jesus tell her, “I tell you awready dat if you trus God, you goin find out how awesome he stay, aah?”

Luke 12:28

Da grass inside da field stay grow one day, an dey throw um on top da fire da nex day. Eh, God give da grass da kine clotheses jalike da flowas, so garans he goin give you guys clotheses even moa. You guys ony trus litto bit!

Matthew 17:20

He tell, “Cuz you guys neva trus God enuff, az why. An I stay tell you guys dis too: if you guys trus God ony litto bit, jalike da smalles mustard seed, you goin tell dis mountain, ‘Go move ova dea,’ an da mountain goin go. No goin get notting dat you guys no can handle.

Smart Guys 8:29

Wen he make some place fo keep da watta inside da ocean So da watta no can come on top da land, Da time he wen make one strong foundation fo put da earth on top.

Matthew 6:30

Da grass inside da field stay grow today, but tomorra dey goin throw um inside da fire. God give da grass clotheses lidat, so garans he goin give you guys clotheses. You guys ony trus God litto bit!

Matthew 8:10

Jesus hear dat, an he tell da odda guys dat follow him, “Ho! Dis guy get um! An I like tell you guys dis: no mo no Israel peopo dat trus me lidat!

Mark 4:35

Dat time afta da sun go down, Jesus tell his guys, “Eh, we go da odda side a da lake.”

Luke 8:24

Da guys wake up Jesus, an tell, “Eh, Boss! We goin mahke!” Jesus sit up. He scold da wind an da big waves. Da storm die down, an eryting come calm.

Luke 8:26

Dey ride boat da odda side a Galilee Lake to da Gerasa town fields.