Luke 6:44 - Hawaii Pidgin Bible

⁴⁴ You know da kine tree from da kine fruits dey give. No can pick da fig o da grape from da kine tree wit thorns.

Luke 6:44 Referans Kwoze

James 3:12

Eh, my braddahs an sistahs! You tink you goin get olive from da fig tree? O fig from da grape plant? No way! Same ting, you no can get good kine watta fo drink from da no good watta. No good if da good kine tings an da bad kine tings come outa da same mout.

Matthew 12:33

“You gotta tink lidis: Wen da tree good, den da fruit good. Wen da tree junk, den da fruit junk. Cuz da fruit goin show if da tree stay good o junk.

Jude 1:12

Wen you guys stay eat togedda cuz you get love an aloha fo each odda, dose buggahs mess you guys up. Dey ony come by you guys fo eat an party up. Dey ony kea fo dem. Dey no shame. Dey talk an dey no do wat dey tell dey goin do, jalike da clouds dat no mo watta an da wind blow um away. Dey jalike trees dat no mo fruit wen time fo pick da fruit. Jalike somebody wen pull up da tree by da roots, an da tree mahke awready.

Matthew 7:16

You goin know um by da kine stuff dey do. No can pick da grape o da fig from da kine tree wit thorns, aah?

Matthew 7:20

From da kine stuff dey stay do, fo shua you goin know wat kine peopo dem.