Luke 2:32 - Hawaii Pidgin Bible

³² He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”

Luke 2:32 Referans Kwoze

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Jesus Guys 26:23

I tell um dat da Spesho Guy God Wen Sen gotta suffa. An he da firs guy fo come back alive from mahke. An he goin tell his peopo an da peopo dass not Jew guys bout da light from God.”

Isaiah 9:2

Da peopo dat donno wat fo do, Jalike dey stay walk aroun inside one dark place, Dey goin know wat fo do, Cuz jalike dey see one big light. Da peopo dat live inside da place Wea erybody stay sked dey goin mahke, Da light stay come dea awready.

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.

Jesus Guys 28:28

Paul tell, “I like you guys know dat God sen his guys by da peopo dass not Jew guys, fo him take dem outa da bad kine stuff dey do. An dey goin lissen!”

Matthew 4:16

Da peopo ova dea dat stay inside da dark, Dey see one big light now. An all da guys dat stay In da dark place wea peopo goin mahke, Da light come fo dem.”

Zekariah 2:5

But me, I da One goin be jalike one fire all aroun da town, jalike one wall! Wen I stay inside da town, goin be awesome!’ ” Dass wat Da One In Charge tell.

Isaiah 60:19

You guys no goin get da sun fo light day time. Da moon no goin shine fo make um bright fo you guys. Me, Da One In Charge, I goin be da light fo you guys foeva. I yoa God, an I goin make awesome kine fo you guys.

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Isaiah 4:2

Dat time, goin get one guy, Da One In Charge goin give him da right fo be king, Cuz he jalike one new branch Dat Da One In Charge make come out from da king ohana. Dat guy goin be real good looking an stay awesome. Erybody goin know bout da stuff dat grow on top da land, Dat goin come real awesome too, An da Israel peopo dat still yet stay alive dat time Goin feel real good inside bout all dat, An all da odda peopo goin get respeck fo dem.

Songs 85:9

Fo shua, da peopo Dat show God plenny respeck, He goin get dem outa trouble real quick kine. Den, all ova oua land, Goin come awesome.

1 Corint 1:31

So den, jalike da Bible tell befo time: “Anybody like talk big, mo betta dey ony talk big bout Da One In Charge erytime, an not talk big bout ony dem!”

Luke 2:10

But da angel guy tell, “No sked. I come fo tell you guys Good Stuff From God dat goin make you guys an all da peopo stay good inside.

Jeremiah 2:11

All dose peopos, dey neva dump dea gods dat dey get from befo time. No matta da gods dey get, dey not gods fo real. But my peopo, dey wen bag from me, Da God dat make dem come awesome, Fo go pray to idol kine gods dat good fo notting!

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 49:9

An I goin tell da prisona guys, ‘Go come! Go outside!’ An I goin tell da peopo Dat stay inside one dark place, ‘Go! You guys not prisonas no moa!’ “Jalike da sheeps an da goats, Dey goin find dea food by da side a da road, An on top da hills wea no mo tree.

Isaiah 51:4

“Da One In Charge tell, ‘Lissen to me, all my peopo! Cuz I goin give my Rules to all da peopos, An wat I tell cuz I da Judge, Goin show all da nations wass right, Az goin be jalike one light fo show dem da way.

Luke 2:31

You wen make dis Boy ready fo do all dat In front all da peopo.