Luke 19:39 - Hawaii Pidgin Bible

³⁹ Den some Pharisee guys from da peopo tell Jesus, “Teacha, scold yoa guys! Not good, how dey talk!”

Luke 19:39 Referans Kwoze

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

James 4:5

You tink da Bible tell dis fo notting? “God wen put one spirit inside all us guys, an he no like if dat spirit no stay all out fo him ony.”

John 12:19

Den da Pharisee guys tell each odda, “Look! Erybody in da whole world stay go wit Jesus! An us guys no can do notting fo stop um!”

John 12:10

So da Main Pries guys talk togedda how dey goin kill Lazarus too.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Matthew 2:7

Den Herod tell da guys dat know plenny bout da stars fo come by him. Dey come, but dey neva tell nobody. He find out from dem wat time da star show up inside da sky.